آنهسی شهزادنی آلتی یاشلی اوکهسی بیلن اویده تشلب کېتیب، روسیه گه ایشلش اوچون کېتگنیده، شهزاد توقیز یاشده اېدی. اولر آتهلری بیلن کمدن-کم ملاقات قیلیشهدی، چونکه اونینگ باشقه عایلهسی بار.
اکه-اوکه اولر گه نسبتن یامان مناسبتده بولگن آنهلرینینگ دوگانهسی بیلن یشهگن اېدیلر. بو عیال اېسه جوده کوپ ایچردی و ایکّی ییل دوامیده بالهلرنی دایما حقارت قیلردی و کلتکلردی.
شهزادنینگ اوکهسی اۉز دردی، ایشیتگن حقارتلری، اعتبارسیزلیک و یخشی حیاتدن امیدی حقیده حکایه قیلیب بیرگنیگه بیر ییل بولدی. حاضر او الهقچان ۱۳ یاشده، شهزاد اېسه ۱۶ یاشگه تولدی. اولرنینگ حیاتی یخشی تامانگه اۉزگردی.
بیزلرنینگ فیسبوک صحیفهمیزگه باش اورینگ!
اکه-اوکه لایحهدن ییل دوامیده روحی، مالیهوی و طبی یاردم آلیشدی. بوندن تشقری، اجتماعی ایشلر اولرنینگ آنهلرینی اویگه قیتیشگه کوندیریشدی. حاضر بالهلر آنهسی بیلن غمخورلیک محیطده یشهیدی.
«مین فرزندلریمنینگ یانیده بولمهگن دورده، اولر جوده کوپ زورهوانلیکلرنی باشدن کېچیریشدی. اېندی مین اوچون اولرگه یاردم بیریش وقتی کېلدی» دیېدی بالهلرنینگ آنهسی.
«برقرار حیات» نادولت ناتجارت تشکیلاتی خادملری اکه-اوکهلرنینگ حیاتی، مکتب گه باریشی، روحی سلامتلیگی، عایلهوی مناسبتلرینی دایمی نظارت قیلیب باردی. اولر بالهلر اوچون درسدن تشقری بیپول مشغولاتلرنی تشکیل قیلیشدی و یونیسف همکارلری اولرگه اوقوو موادلرینی تقدیم اېتیشدی.
بیزلرنینگ «ایکس» ترماغی ده هم تعقیب قیلینگ!
اجتماعی ایشلر بالهلرنینگ آتهسینی آته-آنهلیک مسئولیتینی اۉز زمهسیگه آلیشگه و آته-اوغیل مناسبتلرینی مستحکملشگه ایشانتیردی. اېندی او بالهلرینی قۉللب-قوتلب علاقهده بولیب تورهدی.
اجتماعی ایشلر آنه گه بالهلری اوچون نفقه آلیشده عملی یاردم بیریشدی. اوی-جای مسئلهسی هم حل قیلیندی و اېندی اوی اوچون رسمی حجتلر آنهنینگ قولیگه تیگدی.
اېندی او شهزادنینگ آرزوسینی رویابگه چیقریش یولیده حرکت قیلیب، اونی طبیات کالیجیگه اوقیشگه کېریتماقچی. بالهنینگ فراوانلیگی هم انچه یخشیلندی. اېندی او دیپلوم آلیشگه و اۉز وطنیده کلینیکه آچیشگه قیزیقماقده.
«کېلهجکده تیش شفاکاری بولیش اوچون اوقیمن!» دیېدی شهزاد.
بو عایله اروپا اتفاقی و یونیسف تامانیدن مالیهلشتیریلگن «جنوب-شرقی، جنوبی و مرکزی آسیاده مهاجرت تأثیریگه اوچرهگن بالهلرنی حمایه قیلیش» دایرهسیده قۉللب-قوتلنگن باشقه کوپلب عایلهلردن بیری دیر.
اۉگیرووچی: نصرتالله احدی
