اسلام امیرلیگی لیدری شیخ هبتالله آخوندزاده، قندهارده اوقیش و استخبارات رسمیلرینی اصلاح قیلیش قۉشمه سمیناردهگی نطقیده، حکومت توزیلمهسیده استخباراتی نهادلرنینگ اورنینی مهم دیب، بو نهادلر افغانستان یاولرینینگ برچه آشکار و یاشیرینچ ریجهلرینی یوق قیلیشلرینی بیلدیرگن.
سرپرست حکومت سۉزلاوچیسینینگ اورین باسری حمدالله فطرت گه کوره، اسلام امیرلیگی رهبری استخباراتی ادارهلر مسئوللریدن حکومت باشقه نهادلری اویغونلیگی بیلن شریعتنی تطبیق اېتیشده سعی-حرکت قیلیشلرینی اېستهگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «اسلام امیرلیگی رهبری استخباراتنی حکومتنینگ ستون فقراتی اتهگن و استخبارات فکری و بوزغینچیلیک ریجهلرنی یوق قیلیب و اسلامی شعارلر گه قرشی حقارتلر گه توسیق بولیب و باشقه نهادلر بیلن شریعتنی تطبیق اېتیشده تلاش قیلیشینی اېتگن.»
استخبارات، حکومت توزیلمهسیده مهم ادارهلردن سنلهدی-فکری سِرلرنی سقلش، یاولرنینگ معلوماتی گه قول تاپیش، یشاوچیلرنینگ امنیتینی تأمینلش، دیپلماتیک تیزیمنی قۉللب-قوتلش، ملی و خلقارا مقیاسیده ملی منفعتلردن دفاع قیلیش وظیفهسینی بجرهدی.
باشقه تاماندن، حربی ایش بیلرمانلردن بیرقطارینینگ ایتیشلریچه، استخباراتی نهادلر کوچلنیشی و ایشی یخشیلنیشی اوچون، استخباراتی و امنیتی کوچلرنینگ ایشلریدن نظارت قیلووچی بیر نهاد شکللنیشی کېرهک.
بیزلرنینگ «ایکس» ترماغی ده هم تعقیب قیلینگ!
حربی ایش بیلرمان اسدالله ندیم گه کوره: «استخبارات و امنیتی نهادلرنینگ ایشلرینی نظارت قیلیش جوده هم مهم دیر؛ چونکه اولرنینگ ایشلری نظارت بولمسه، کنترولدن چیقیب و دولت ایچیده دولت قوریلیشی ممکن؛ بو ایکّی مسئله جوده هم مهم دیر و ایشلری قانونی بولیشی لازم.»
ندیم گه کوره، استخباراتی نهادلرنینگ فعالیتی قانون اساسیده و تیزیملی طرزده آلیب باریلیشی کېرهک، بو اولرنینگ ثمرهدارلیگینی آشیریش گه یاردم بیرهدی.
شونینگدیک، اسلام امیرلیگی رهبری، استخباراتی نهادلرنینگ مسئوللریدن خلق بیلن معامله قیلیشده رحم و شفقتلی بولیشلرینی اېستهگن؛ بیلرمانلرنینگ ایشانچی گه کوره، بو ایش خلق و حکومت اورتهسیدهگی مصافهنی کمهیتیرهدی.
جمعیتشناس بسمالله یاورینینگ ایتیشیچه، استخباراتی کوچلرنینگ هر قندهی معاملهسی جمعیتدهگیلرنینگ میهسیگه تأثیر قیلیشی ممکن. اونینگ کوپهیتیریشیچه: «امارت کوچلرینینگ یشاوچیلر بیلن یخشی معامله قیلیشی، دولت و ملت اورتهسیدهگی مصافهنی کمهیتیریشی ممکن شونی اوچون، امنیتی و استخباراتی کوچلر معاملهلریگه دقت قیلیب و بوتوغریده یېترلیچه تعلیم بیریلیشی لازم.»
بوندن اول، سرپرست حکومت تشقی ایشلر وزیرلیگینینگ سیاسی معینی شیرمحمد عباس استانکزی، دنیا استخباراتی سیاسی و استخباراتی میدانده اسلام امیرلیگی بیلن اوروشدهلیگینی اېتگن بیرحالده، اسلام امیرلیگی رهبری بوندهی بیانات بیرگن.
