طبیعی آفت‌لر گه قرشی تیارگرلیک کوریش ملی اداره مسئوللری، بوگون (۲۶-حمل، سه‌شنبه) ماین خطرلری حقیده خلق‌ارا آگاهی‌لیک بیریش مناسبتی بیلن اوتکزیلگن ییغیلیش‌ده ایتیشلریچه، اوتگن میلادی ییل‌ده، افغانستان‌ده بیر میلیون ۸۸۶ مینگ کیشی گه پارتلمه‌ی قالگن ماین خطرلری حقیده آگاهی‌لیک بیریش دستوری اوتکزیلگن.
طبیعی آفت‌لر گه قرشی تیارگرلیک کوریش ملی اداره‌نینگ ماین‌لرنی تازه‌لش و هماهنگ قیلیش باشلیغی نورالدین رستم‌خیل گه کوره، اوشبو ییل‌ده مملکت ۲۷ ولایتیده ماین تازه‌لش ۲۱ پروژه تطبیق اېتیلیشی کوتیله‌دی.
اونگه کوره، حاضرگی کونده افغانستان‌نینگ قریب بیر مینگ ۱۵۰ کیلومتر مربع توپراغی ماین گه افلاس‌لنگن و بو نهاد اوتگن ییل‌ده ۱۰۳ کیلومتر مربع ییرنی مهمات و ماین‌لردن تازه‌لش گه اولگورگن.
بیزلرنینگ فیسبوک صحیفه‌میزگه باش اورینگ!
نورالدین رستم‌خیل‌نینگ کوپه‌یتیریشیچه: «بو اداره اوتگن میلادی ییل‌ده قریب ۱۰۳ کیلومتر مربع ییرنی ماین‌لردن تازه‌لگن و اوتگن ییل‌ده، ۷۵۰ ماین پرسنل گه ضد، ۴۲۳ ماین وسایط گه ضد، تورت مینگ ۸۲۹ قول بمبی و ۶۶ مینگ ۷۸۹ پارتلمه‌ی قالگن ماین‌لر یوق اېتیلگن و مملکت مقیاسیده ۱۸۸۶۰۹۴ کیشی گه آگاهی‌لیک بیریلگن.»
طبیعی آفت‌لر گه قرشی تیارگرلیک کوریش ملی اداره مسئوللری، اوتگن اوروش‌لردن پارتلمه‌ی قالگن ماین‌لر، هر آی ۵۰ دن ۶۰ کیشی‌نینگ اولیمی گه سبب بولیشینی اېته‌دیلر.
عین‌حالده، طبیعی آفت‌لر گه قرشی تیارگرلیک کوریش ملی اداره سرپرستی نورالدین ترابی، خلق‌ارا نهادلردن افغانستان‌ده ماین‌لرنی تازه‌لش اوچون فعالیت‌لرینی آشیریش‌لرینی سوره‌یدی.
بیزلرنینگ «ایکس» ترماغی ده هم تعقیب قیلینگ!
طبیعی آفت‌لرگه قرشی تیارگرلیک کوریش ملی اداره مسئوللری‌نینگ ایتیشلریچه، اوشبو میلادی ییل‌ده امریکا تامانیدن ماین تازه‌لش سکیز بویوک پروژه ایشی توخته‌تیلیشی باعث، افغانستان‌ده ماین تازه‌لش دستورلر اوچون قیین ییل بولیشی ممکن.
اوشبو ییغیلیش‌ده، ساغلیق‌نی سقلش وزیرلیگی مسئوللری، پارتلمه‌ی قالگن ماین‌لرنینگ قربانلری روحی کسللیک‌لر گه چلینیشی حقیده آگاه‌لنتیره‌دیلر.
ساغلیق‌نی سقلش وزیرلیگی‌نینگ مسلکی پلان و پالیسی معینی محمدحسن غیاثی گه کوره: «بیز ماین تازه‌لش بولیمیده فعال بولگن ملی و خلق‌ارا نهادلرنینگ همکارلیگی بیلن، ماین‌لر خطری و روحی عاقبت‌لری حقیده آگاهی‌لیک بیریش دستورلرنی اوتکزیشی‌میز کېره‌ک.»
برچه‌سی بیلن، افغانستان‌ده بیرلشگن ملتلر تشکیلاتی‌نینگ ماین تازه‌لش بولیمی مسئولی نیکولاس ستیفن، ماین‌لرنینگ کوپینچه قربانلرینی باله‌لر تشکیل بیره‌دی و اولر گه آگاهی‌لیک بیریش برنامه‌لری اوتکزیلیشی کېره‌ک دیېدی. «ایندی باشقه زمان‌لر گه نسبتن، ماین‌لرنی تازه‌لش اوچون یخشی امنیت تأمینلنگن و پارتلمه‌ی قالگن ماین‌لرنینگ قربانلرینی کوپراق باله‌لر تشکیل بیره‌دی؛ شونی اوچون آگاهی‌لیک بیریش بولیمیده کوپراق دقت قیلیش کېره‌ک.»
طبیعی آفت‌لر گه قرشی تیارگرلیک کوریش ملی اداره مسئوللری‌نینگ ایتیشلریچه، اوتگن ییل‌ده افغانستان‌ده ماین‌لر پارتلشی عاقبتیده، ۶۱۳کیشی اولیب و یره‌لنگن.
تورت اپریل، بیرلشگن ملتلر تشکیلاتی تامانیدن ماین‌لر خطری حقیده آگاهی‌لیک بیریش و اوشبو ماین‌لر تهدیدلری گه جهان دقت قیلیش خلق‌ارا کونی اوله‌راق ناملنگن.
