لغمان دهگی ایکینچیلردن قطاری نینگ ایتیشلریچه، محصوللری ساتیلیشی اوچون بازار یوق و بو قیین‌چیلیک اولرنی ایکینچیلیک بولیمی‌ده ایشلش‌دن زیریکتیرگن.
ایکی جریب ییر گه پمیدار ایککن لغمان ولایتی قرغه‌‌یی تومنی یشاوچیسی بولمیش خالد نینگ ایتیشیچه، ساتیلیش بازاری یوقلیگی سبب حاصلاتی‌دن بیر قطاری خراب بولگن. اونینگ کوپه‌یتیریشیچه: «حکومت تامانیدن ایکینچیلیک حاصلاتی اوچون زمینه یره‌تیلیشی نی ایسته‌یمن، چونکه بازار بولمه‌گنی صورت‌ده، ایکینچی‌لیکدن قول تارتیش‌گه مجبور بوله‌میز. ایکین و حاصللر یخشی، بیراق محصوللرنی بازار گه آلیب بارگنیمیزده هیچ ساتیب آله‌دیگن یوق.»
بیزلرنینگ «ایکس» ترماغی ده هم تعقیب قیلینگ!
شونینگدیک لغمان ولایتی‌ده‌گی ایکینچیلردن باشقه بیری حکیم نینگ ایتیشیچه، محصوللری ساتیلیشی‌گه بازار یوقلیگی سبب، عایله‌سی نیازلرینی تامین‌لشده قیین‌چیلیک بیلن روپه‌ره بولگن.
اوچ جریب ییر گه تورلی‌خیل سبزه‌وات ایککن حکیم نینگ کوپه‌یتیریشیچه: «اوچ جریب ییر گه پمیدار، کدو و مرچ کبی سبزه‌وات ایککن‌مین. حاصلات موسومی ییتیشگنی‌ده بو ییرده بازار یوقلیگی اوچون حاصلاتیمیز نی کابل گه آلیب کیته‌میز که بعضا یول کرایه‌سینی هم تولدیرمه‌یدی. نیمه قیله‌ی دیب حیران‌مین.»
مذکور ایکینچیلر لغمان ایکینچیلیک، سووغاریش و چاروه‌چیلیک ریاستی و سرپرست حکومت‌دن، ایکینچیلیک محصوللر ساتیلیشی اوچون زمینه یره‌تیلیشینی ایسته‌گنلر.
باشقه بیر تاماندن، لغمان ایکینچیلیک، سووغاریش و چاروه‌چیلیک ریاستی نینگ ایکینچیلیک آمری بریالی همدرد، ایکینچیلیک محصوللری ساتیلیشی اوچون بازار یوقلیگی نی قبول قیلیب و ایتیشیچه، ایکینچیلیک محصوللری گه ماس بازار یره‌تیلیشی خصوصیده سعی‌وحرکت بولماقده. «بازار بولیمی‌ده حقیقتاً ایکینچیلر قیین‌چیلیک بیلن روپه‌ره دیر. لغمان ایکینچیلیک ریاستی نینگ بو قیین‌چیلیک‌‌دن خبری بار. موسسه‌لر بیلن گپ‌لشیب و بازار یره‌تیلیشی و سبزه‌وات ایکیلمه‌یدیگن ولایت‌لر گه لغمان دن سبزه‌وات محصوللری یوباریلیشی خصوصیده سعی‌وحرکت قیلماقده‌میز و بو قیین‌چیلیک نینگ حل بولیشی ممکن.»
شونده‌ی بیرحالده، ایکینچیلیک ایشلری بوییچه ایش بیلرمان کرامت‌الله شفیقی نینگ ایتیشیچه، ایکینچیلیک محصوللری ساتیلیشی اوچون زمینه یره‌تیلیشی اونملی دیر، عکسینچه حالده بو سکتور قیین‌چیلیک بیلن روپه‌ره بولیب، ایچکی محصوللر اورنی نی وارداتی محصوللر آلیشی ممکن.
بیزلرنینگ فیسبوک صحیفه‌میزگه باش اورینگ!
شونینگدیک جناب شفیقی نینگ کوپه‌یتیریشیچه، ایچکی تولیدلر کوپه‌یشی و دهقان‌لردن حمایت بولینیشی اوچون، ستندرد ساووق‌خانه‌لر ایجاد بولیب و ایکینچیلیک محصوللری ساتیلیشی اوچون زمینه یره‌تیلیشی گه نیاز بار. «حکومت ایکینچیلیک محصوللری ساتیلیشی اوچون بازار تاپیشی کیره‌ک؛ بونینگ یانیده قیسی محصول نینگ قچان ایکیشلری توغریسیده اولر گه آگاهی‌لیک بیریلسین. قیغو ایکینچیلریمیز اوتگن ییلی درآمد قولگه کیلتیرگنلری محصول نی، کیله‌سی ییل هم ایکه‌دیلر که بو اولر گه زیان ییتیشتیره‌دی.»
لغمان ایکینچیلیک، سووغاریش و چاروه‌چیلیک ریاستی آرقه‌لی ارائه بولگن معلومات اساسیده، ییل‌ده ۷ مینگ ۲۸۹ هکتار ییر گه تورلی‌خیل سبزه‌وات ایکیلیب و ۲۰۰مینگ تُن‌دن آرتیق محصول قولگه کیله‌دی.