غزنی ده سوت محصوللری ساتیلیشی اوچون دایمی بازار یوقلیگی سبب، بو ولایتدهگی چاروهدار عیاللر محصوللرینینگ ستندردسیز شکلده بازار گه چیقرهدیلر. غزنی دهگی چاورهدار عیاللردن قطارینینگ ایتیشلریچه، چاروهچیلیک و سوت محصوللرینینگ ساتیش آرقهلی یخشی درآمد قولگه کیلتیرهدیلر؛ بیراق ستندردسیز و نظمسیز شکلده محصوللرنینگ ساتیش اوچون کوپینچه قیینچیلیکلر بیلن روپهرهلر.
اوشبو عیاللر، سوت، قیماق، قتیق و مسکه کبی سوت محصوللر اوچون دایمی ساتیلیش مرکز یوقلیگیدن شکایت قیلیب و ایتیشلریچه، کوپینچه خرهجتلی و جنجللی بولگنی بیرحالده، بیراق چاروهلریدن قولگه کیلگن سوتنینگ ماست گه اوزگرتیریب و ساتیش اوچون مرکز گه یوباریشگه مجبورلر.
بو توغریده غزنینینگ خواجهعمری تومنیده کیچیک بیر فارم گه ایگه بولگن کریمهنینگ سلاموطندار گه ایتیشیچه: «ماست، سوت و قتیق ایشلب چیقرهمیز. بیللی شرکت یوق که محصوللریمیزنی اولرگه یوبارسهک. یالغیز قراردادی ایکی-اوچ دکان بار که ایرتهلب ساعت ۷ ده محصوللریمیزنی اولرگه یوبارهمیز. کونده ایکی، اوچ یا-ده تورت سطل قیشلاقدن غزنی شهریگه یوباریلهدی که هر بیر سطلدن موتر کرایهسی اوچون هیداوچیگه ۲۰ افغانی بیرهمیز.»
بیزلرنینگ فیسبوک صحیفهمیزگه باش اورینگ!
تورت باش سیگیر و نیچه باش قویی بولگن اوشبو عیالنینگ ایتیشیچه، ایشینی بیر موسسه همکارلیگی بیلن باشلهب و حاضر ایسه کوپینچه حمایت گه نیازی بار. «باشده زراعتی بیر موسسه سوت و ماستنی ایشلب چیقریلیشینی اورگتدی. حاضر اوزیمیز تیارلهیمیز و اورگنگنمیز. هیچ بیر دولتی نهاد بیزگه یاردم بیرمهگن. دولت آرقهلی همکارلیک بولیشنی ایستهیمیز. اقتصادی ضعیف بولگن کیشیلرگه بو جودهیم بویوک بیر یاردم بوله آلهدی.»
شوندهی بیرحالده، غزنی سودا و سرمایه یاتقیزیش اتاقلر ریاستی، غزنیده عیاللر آرقهلی ایشلب چیقریلهدیگن سوت محصوللری ساتیلیشی اوچون بازار یوقلیگینی تصدیقلهیدی. اوشبو ریاست باشلیغی عبدالمتین قلندرینینگ سلاموطندار گه ایتیشیچه، حاضرگچه لبنیات ایشلب چیقریش بولیمیده فعالیت قیلهدیگن عیاللر اوچون هیچ قندهی مخصوص یاردم کورسهتیلمهگن. «قیغو بیلن غزنی ده عیاللرگه مخصوص سوت محصوللری و زراعتی محصوللری ساتیلیشی توغریسیده، دایمی و ثابت بازار یوق و حاضرگچه اوشبو بولیمده فعال عیاللرگه یاردم بیریلمهگن. مالی یاردملر کورسهتیلیشیگه نیاز بار که لبنیات منظم شکلده پاکتلنسه، یخشی پروسس بولسه و سقلنیش همده یخشیراق انتقال بیریلیش اوچون پاکتلنیش ماشینلر یرهتیلسه.»
شوندهی بیرحالده، غزنی ده اقتصادی ایش بیلرمانلر، چاروهدار عیاللرنی قوللب-قوتلش اوچون بیللی ییچیم یوللرنی بیان قیلهدیلر. اقتصادی ایش بیلرمان مهدی رضایینینگ سلاموطندار گه ایتیشیچه، غزنی ده عیاللرنی قوللب-قوتلش اوچون کوپینچه حمایتی یوللر بار. «کوپینچه یوللر بار. اولردن اینگ اونملیسی قوشمه شکلده مدیریت بولیش بیلن محلی بازارچهلر یرهتیلیشی دیر که بو مدیریتده هم دولت همده خصوصی نهادلر حصه قوشه آلهدی که عیاللر بو بازارچهلرده محصوللرینی ساتسهلر. شونینگدیک عیاللرنینگ بازارتاپیش، پاکتلش و ساتیش بولیمیده تعلیم بیریش همده لبنیات و زراعتی محصوللرنینگ مستقیم شکلده ساتیلیشی اوچون تکنالوژی و اجتماعی ترماقلردن فایدهلنیش، باشقه فایدهلی یوللردن دیر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، غزنی ایکینچیلیک، چاروهچیلیک و سووغاریش ریاستی اوسیملیکلرنی سقلش عمومی مدیری محمدذکریا هوتکنینگ ایتیشیچه، عیاللر محصوللرینی کوپراق نامستقیم شکلده بازارگه چیقرگنلری بیرحالده، ایرککلر تامانیدن باشقریلهیاتگن فارملر عیاللر آرقهلی تیارلنگن سوت محصوللرینی یخشیراق هماهنگلشتیریب، ساتیش گه چیقرهدیلر. «حاضر غزنی ده ۱۶ ته چاروهچیلیک فارم بار که سوت، قیماق و باشقه محصوللر بولیمیده فعالیت قیلهدی. عیاللرگه مخصوص تولیدی فارملرنینگ مستقیم شکلده بولمهگنی بیرحالده، بیراق عیاللر مذکور فارملرنی مدیریت قیلهدیگن عایلهلر آرقهلی نامستقیم شکلده، سوت محصوللرینی تولید، ییغیلیش و پروسس قیلیشده فعالیت قیلهدیلر.»
غزنی ده عیاللرنینگ سوت محصوللر ساتیلیشی اوچون مناسب آستقورمهلر و دایمی بازار یوقلیگی، مذکور عیاللرنینگ خودکفالیگی و رواجلنیشیگه اساسی توسیق دیر. پاکتلنیش، بازار تاپیش و تکنالوژیدن فایدهلنیش توغریسیده تخصصی تعلیملر بیلن بیرگه، دولتی حمایتلر و منظم بازارلر آچیلیشی، چاروهدار عیاللر اوچون کوپینچه اقتصادی فرصتلرنی یرهتهدی.
غزنی، مملکتنینگ زراعتی ولایتلریدن بولیب، مرکز و تومنلرده عایلهلردن کوپ قطاری ایکینچیلیک و چاروهچیلیک بیلن شغللنگن که بو ولایتده عیاللرنینگ ایکینچیلیک و چاروهچیلیکنی رواجلنتیریشدهگی رولی مهم و دقتگه سزاوار دیر.
