قرغیزستان اقتصاد و سودا وزیری بقیت صدیقاوف باشچیلیگیده اوشبو مملکت هیئتی، اسلا امیرلیگی باش وزیرینینگ اداری اورین باسری عبدالسلام حنفی بیلن اوچرهشوده، بو مملکت الکترونیکی حکومتدارلیک بولیمیده افغانستان بیلن همکارلیک قیلیش وعدهسینی بیردی.
ارگ، ۲۶-قوس/۱۷-دسمبر، چهارشنبه کونی ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، اسلام امیرلیگی باش وزیرینینگ اداری اورین باسری عبدالسلام حنفی، قرغیزستان اقتصاد و سودا وزیری باشچیلیگیده بقیت صدیقاوف بیلن اوچرهشگن.
ارگنینگ بیانیهسی اساسیده، اوشبو اوچرهشوده قرغیزستان تامانی ایکی مملکت اورتهسیدهگی اقتصادیات و سودا مناسبتلر مستحکملنیشی و کېنگهیتیریلیشی گه تأکیدلب و اوشبو مملکت سوداگرلری افغانستانده تورلی ساحهده سرمایه کیریتیش گه قیزیقیشینی بیلدیرگن.
شو بیلن بیرگه، قرغیزستان اقتصاد و سودا وزیری، بو مملکتنینگ افغانستان گه انسان سیورلیک یاردملری دوام ایتیشی همده الکترونیکی حکومتدارلیک، قیمتبها ورقلرنی چاپ ایتیش، بانکی مناسبت قوریش و الکترونیکی تولش ساحهلریده اسلام امیرلیگی حکومتی بیلن همکارلیک قیلیش وعدهسینی بیردی.
اوشبو اوچرهشووده، عبدالسلام حنفی افغانستان قرغیزستان بیلن هر ساحهده همکارلیک قیلیشگه تیار بولیب و ادارهلر سیستمی الکترونیکی بولیشی و ایکی مملکت اورتهسیده بانکی مناسبت بولیشینی ضرور دیب بهالهدی.
قرغیزستان اقتصاد و سودا وزیری باشچیلیگیده اوشبو مملکت یوقاری مرتبهلی هیئتی، ایکی تامانلمه اقتصادی همکارلیکلرنی کېنگهیتیریش، افغانستان بیلن سودا مقداری همده سرمایه کیریتیشنی آشیریش مقصدی بیلن ۲۵-قوس، سهشنبه کونی کابل گه کیلدی.
