اسلام امیرلیگی صناعت و سودا وزیرلیگی سۉزلاوچیسی آخوندزاده عبدالسلام جواد، کابلده قرغیزستان «سودا اویی» آچیلگنیدن خبر بیردی.
او، بوگون (۲۶-قوس/۱۷دسمبر، چهارشنبه) اودیو فایلده، قرغیزستاننینگ سودا اویی، اوشبو مملکت هیئتینینگ کابل گه قیلگن سفری دایرهسیده آچیلگنینی بیلدیردی.
جواد گه کوره، افغانستان و قرغیزستان اورتهسیده سودا و اقتصادی مناسبت مستحکملنیشی و قۉشمه سرمایه کیریتیشنی جلب قیلیش، و ایکی مملکت سوداگرلری اورتهسیدهگی آلیش-بیریش قولیلشتیریلیشی مقصدیده، اوشبو سودا اویی آچیلگن.
کابلده قرغیزستان سودا اویی، اسلام امیرلیگی و اوشبو مملکت اورتهسیدهگی کیلیشوو اساسیده آچیلگن.
قرغیزستان اقتصاد و سودا وزیری باشچیلیگیده اوشبو مملکت یوقاری مرتبهلی هیئتی، ایکی تامانلمه اقتصادی همکارلیکلرنی کېنگهیتیریش، افغانستان بیلن سودا مقداری همده سرمایه کیریتیشنی آشیریش مقصدی بیلن اوتگن کون کابل گه کیلدی.
