افغانستان‌ده بیرلشگن ملتلر تشکیلاتی‌نینگ انسان پرورلیک یاردملرینی هماهنگ قیلووچی اداره‌سی (اوچا)، کویت افغانستان‌نینگ انسان پرورلیک صندیغی گه ۵۰۰ مینگ دالر یاردم کورستگنینی اېتگن.
بیزلرنینگ فیسبوک صحیفه‌میزگه باش اورینگ!
مذکور اداره، بوگون (۲۸-عقرب، دوشنبه) ایکس صحیفه‌سیده بیر بیانیه ترقه‌تیب، بو ۲۰۲۴-ییل‌ده کویت‌نینگ افغانستان انسان پرورلیک صندیغی گه بیرینچی یاردمی بولگنینی معلوم قیلگن.
اوچا، بو یاردملر فوق‌العاده وضعیت‌لر طفیلی زیان کوره‌دیگنلر اوچون صرفلنه‌دی دیگن.
اوشبو میلادی ییل‌ده، سویدن، هالند، اسپانیا، ناروی، بریتانیا، کانادا و باشقه بیرقطار مملکتلر، افغانستان‌نینگ انسان پرورلیک صندیغی گه یاردم کورستگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، بیرلشگن ملتلر تشکیلاتی‌نینگ انسان پرورلیک یاردملرینی هماهنگ قیلووچی اداره‌سی، افغانستان‌ده ۷۹ فایز عایله‌لر قیش‌ده یشش اوی‌لرینی ایسیتیش اوچون یاقیلغی ماده‌لری یوق‌لیگینی اېتگن اېدی. اوچا گه کوره، اوشبو کیشیلرنی قۉللب-قوتلش اوچون ۳.۱۴ میلیارد دالرلیک بودجه آزلیگی بیلن روپه‌ره دیر.
