کابل ده محتاج کیشی‌لردن قطاری نینگ ایتیشلریچه، اقتصادی قیینچیلیک و قشاق‌لیک باعث ساووق‌لیک و آچ‌لیک کبی تورلی خیل قیینچیلیک‌لر روپه‌ره‌لر.
۱۰ کیشی‌لیک عایله سرپرستی رخسار نینگ ایتیشیچه، کابل یشاوچیلری نینگ یشش اوی‌لرینی تمیزلش بیلن عایله اعضالری نینگ کیچه_کوندوز نانینی تأمینله‌یدی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قیینچیلیگیمیز جوده هم کوپ دیر، آزیق_آوقات، کییم_کیچک و سوو یوق دیر. اجاره اوی ده یشه‌ی من، اوی‌لرده ایشله‌ی من. ایریم نینگ یوره‌ک خسته‌لیگی بار، اوزیم کییم_کیچک یوویب و اوتو قیله‌من. بیر کونده ۱۵۰ و ۲۰۰ افغانی بیره‌دیلر. ایرتن ساعت ۶:۰۰ گه باریب و آخشم ساعت ۴:۰۰ گه قدر ایشله‌ی من.»
یاغاچ کومیر اوچون غلته‌گی بیلن کیلگن محتاج‌لردن باشقه بیری دین‌محمد نینگ ایتیشیچه: «اوی ده اون، یاغ کبی هیچ نرسه‌میز یوق، حتا ایش هم یوق دیر. هر جای گه باره‌من ایش یوق. بعضی کونلری بوش قول بیلن اوی گه قیته‌من.»
کابل ده یاش‌لر گروهی، رضاکار شکلده «انسانیت نینگ چیگره‌سی یوق» شعاری بیلن ایتیشلریچه، محتاج عایله‌لرنی قوتقریش مقصدیده امکانیت‌لری گه قره‌ب یاردم بیریش اوچون سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
یاش‌لر گروهی اعضالریدن بیری محمدصمیم نینگ سلام‌وطندار گه ایتیشیچه: «بو اوچینچی مرته دیر که کومیر توزیع قیلینماقده. قریب ۲۵۰ و ۳۰۰ عایله گه یاردم بیریشنی ایسته‌یمیز، توپلم شکلده ۸۰۰ عایله بولگن و ۵۰۰۰ انسان نی ایسیق اسره‌ش گه سبب بوله‌دی.»
اوشبو ییل قیش موسومی ده هوا مثل‌سیز درجه ده ساووق بولیشی بیلن، اولکه یشاوچیلری نینگ انسان پرورلیک یاردم‌لر گه احتیاج‌لری کوچه‌یتیرگن. شونینگدیک، یاردم بیرووچی نهادلر نینگ معلوماتی اساسیده، افغانستان نینگ ۹۵ فایز یشاوچیسی انسان پرورلیک یاردم‌لر گه محتاج دیر.