کاپیسا و پروان ولایت‌لریده یشاوچیلردن قطاری‌نینگ سلام‌وطندار گه ایتیشلریچه، ایش‌سیزلیک و اقتصادی قیین‌چیلیکلر سبب قوش آولش گه یوز کیلتیرگنلر.
پروان و کاپیسا اورته‌سیده جایلشگن «سعد‌الله» قیشلاغی یشاوچیلریدن نصیر‌نینگ ایتیشیچه، ایش یوقلیگی سبب قوش آولش بیلن ۱۵ کیشی‌لیک عایله نیازلرینی تامین‌له‌یدی. «قوش آولش بیلن بیر نیچه روپیه قولگه کیلتیره‌میز، بو یول آرقه‌لی عایله خره‌جتی نی تامین‌له‌یمیز. قوش آولنیش‌نینگ تقیق‌لنگنی بیرحالده، دولت آرقه‌لی بیزلر گه ایش زمینه‌سی یره‌تیلیشی‌نی ایسته‌یمیز.»
شونینگدیک کاپیسا ولایتی یشاوچیلریدن عبدالمنیر، آوچیلر اوچون دولت آرقه‌لی بیللی بیر برنامه ارائه بولینیشی‌نی ایسته‌‌گن. اونینگ ایتیشیچه: «اهالی‌نینگ اقتصادی وضعیتی یامان و ایش یوق. بو یول‌دن حداقل آزیق-آوقت خصوصیده‌گی قیین‌چیلیکلرینی حل قیله‌دیلر، چونکه بازار‌دن سیگیر یا-ده تاووق ایتی‌نی ساتیب آلالمه‌یدیلر. دولت سقلنه‌دیگن و سقلنمه‌یدیگن قوشلرنی تانیشتیریشی کیره‌ک. ساحه‌میز‌ده تورلی قوشلر جمله‌دن مینا و چمچوق بار که قیمتی ۲۰ افغانی‌دن ۲۰۰-۳۰۰ افغانی‌گچه دیر.»
بیزلرنینگ «ایکس» ترماغی ده هم تعقیب قیلینگ!
اهالی‌نینگ ایش‌سیزلیک طفیلی قوش آولش گه یوز کیلتیرگنی، کمیاب قوشلر نسلی اورته‌دن کیتیشی‌گه علاوه، اهالی آره‌سیده تاووق کسل‌لیکلری ترقه‌لیشی‌گه سبب بولیشی ممکن.
لیکن یشاوچیلردن قطاری، بو کبی قیین‌چیلیکلر گه توجه قره‌تمه‌ی و اقتصادی قیین‌چیلیکلر باعث، آولنگن قوشلر ایتی‌دن فایده‌لنیش‌نی بیان قیله‌دیلر. قدیم‌خان‌نینگ ایتیشیچه، سیگیر ایتی قیمت‌لیگی اوچون دایم قوشلر ایتی‌دن فایده‌لنگن، بیراق هیچ قچان کسل بولمه‌گن.
اونینگ کوپه‌یتیریشیچه: «بولر ارزان، بیر کیلو سیگیر ۴۵۰-۵۰۰ افغانی دیر که اونی ساتیب آلیش‌گه کوچی‌میز ییتیشمه‌یدی. بو کبی ایتلردن فایده‌لنه‌میز و هیچ قچان بیران قیین‌چیلیک چیقمه‌گن. فابریکه‌لرنی فعال قیلیب و اهالی‌گه ایش زمینه‌سینی یره‌تسینلر که اهالی قوش آولمه‌سین. حاضر برچه کیشی ایش‌سیزلیک سبب آو قورالی‌نی آلیب آولش‌گه چیققن.»
باشقه بیرتاماندن، کاپیسا اطراف-محیط‌نی سقلش اداره‌سی مسئوللری‌نینگ ایتیشلریچه، قوش آولش توغریسیده اهالی آگاهی‌لیگی مقصد کوپینچه سعی‌وحرکت قیلگنلر، بیراق سلبی عکس‌العمل‌لر بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
کاپیسا اطراف-محیط‌نی سقلش اداره‌سی‌نینگ عمومی علاقه‌لر بوییچه مدیری فیض‌آقا مصلح، اهالی آگاهی‌لیگی اوچون تورلی‌خیل کمپاین‌لر اوتکزیلگنی‌نی بیان قیلیب و ایتیشیچه: «اهالی اوچون کوپینچه کمپاین‌لر اوتکزیلدی، بیراق اولر یانیدن هیچ قنده‌ی بیر نرسه تیریک قالمه‌یدی. قوش آوله‌یدیگن کیشی‌لر گه مکتوب یوباردیک و شونینگدیک دکان‌دارلر بیلن گپله‌شدیک، اولر ایچکی ایشلر وزیرلیگی آرقه‌لی جوازیمیز بار دیدیلر.»
شونده‌ی بیرحالده، کاپیسا امنیه قوماندانلیگی سوزلاوچیسی عبدالفتاح فائز‌نینگ ایتیشیچه، اطراف-محیط‌نی سقلش اداره‌سی آرقه‌لی رسمی ایسته‌ک کیلگنی صورت‌ده، آوچیلر بیلن قانونی یانده‌شیلیشی ممکن. جناب فائز‌نینگ سلام‌وطندارگه ایتیشیچه: «افغانستان اسلام امیرلیگی رهبری فرمانی اساسیده مملکت بویلب قوش آولنیشی تقیق‌لنگن. اطراف-محیط‌نی سقلش اداره‌سی حاضرگچه همکارلیک ایستمه‌گن، همکارلیک نیاز بولگنی صورت‌ده یا-ده اسلام امیرلیگی رهبری فرمانی‌نی بیران کیشی یا-ده گروه عمل‌گه آشیرمه‌گنی‌ده، متخلفلر بیلن جدی شکلده قانونی یانده‌شیلیشی ممکن.»
کاپیسا و پروان کابل شمالی‌ده جایلشگن ولایت‌لردن بولیب، یشیل‌لیک و مناسب هوا گه ایگه بولگنی اوچون مهاجر قوشلر‌نینگ یشش جایی حساب‌لنه‌دی. لیکن بو ولایتلرده قوش آولش بیر قطار عایله‌لر آره‌سیده تیریک‌چیلیک منبع‌سی‌گه اوزگرگن.
