سرپرست حکومت ایش و اجتماعی ایشلر وزیرلیگی مسئوللرینینگ ایتیشلریچه، بوگون (۹-دلو، سهشنبه)، کابل ده ۳۵۰ کیشی اوشبو وزیرلیکنینگ کسب-کار اورگهتیش مرکزیده، ییتی بولیمده بولگن آلتی آیلیک و توقیز آیلیک تعلیمی برنامهلریدن فارغ بولگن.
اولرنینگ ایتیشلریچه، مذکور ییتی بولیم تیکووچیلیک، نلدوانلیک، اوینینگ الکترونیکی اوسکونهلرینی ترمیملش، بنالر گه لین تارتیش، قوریلیش مهندسلیگی، فلزکارلیک و کمپیوتر مهارتلرینی اورگهتیشدن عبارت دیر.
بیزلرنینگ فیسبوک صحیفهمیزگه باش اورینگ!
ایش و اجتماعی ایشلر وزیرلیگینینگ ایش بوییچه اورینباسری محمدزاهد احمدزینینگ ایتیشیچه، مذکور وزیرلیک مملکتدهگی یاشلر گه ایش زمینهسی یرهتیلیشی مقصد، کسب-کار اورگهتیش تعلیمی برنامهلرینی یولگه قویگن.
اونینگ کوپهیتیریشیچه: «ایش و اجتماعی ایشلر وزیرلیگی ایشسیز بولگن اوز اهالیسیگه ایش زمینهسی یرهتیلیشیگه توجه قرهتگن. بوگون قولگه کیلتیرگنلرینگیز بو سند بیلن افغانستان ایچیده ایش تاپه آلهسیزلر و شونینگدیک بو سند بیلن مملکتدن تشقیده هم سیزلر گه آسایشتهلیک یرهتیلیشی ممکن.»
باشقه بیرتاماندن، بو برنامهنی بیتیرگن کیشیلردن قطاری، اسلام امیرلیگیدن اولرگه مسلکی ایشلر زمینهسی یرهتیلیشینی ایستهگنلر.
بو توغریده کمپیوتر بولیمیده تعلیم کورگن کیشیلردن بیری عبدالرازقنینگ ایتیشیچه: «حکومتدن ایشگه جدی بیر شکلده نیاز بولگنی بیر وضعیتده، اهالی اینیقسه ییگیتلر گه ایش زمینهسی یرهتیلیشینی ایستهیمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک نلدوانلیک بولیمیده تعلیم کورگن کیشیلردن جمشیدنینگ ایتیشیچه: «کمپیوترنینگ ییتی بولیمیده تعلیم کوریش دورهسینی یکونلنتیریش بیلن، کسلخانهلر و بولیمیمیزگه تیگیشلی بولگن جایلردده ایشله آلهمیز. بو دورهنینگ یکونلنیشی بیلن بیزلر گه ایش زمینهسی یرهتیلیشینی ایستهیمیز؛ هر بیر ییگیت عایله نیازلرینی تامین قیلهدی و بیزلر هم بو ایش بیلن عایله نیازلریمیزنی تامین قیله آلهیلیک.»
ایش و اجتماعی ایشلر وزیرلیگینینگ معلوماتی اساسیده، اوتگن توقیز آیده مملکت بویلب ایش و اجتماعی ایشلر وزیرلیگینینگ کسب-کار اورگهتیش تعلیمی مرکزلریدن ۳۴ مینگ کیشی فارغ بولگن.