کابل شهری‌ده تکسی و شخصی موترلر هیداوچیلری‌دن قطاری، ترافیک پولیسی‌نینگ فزیکی یانده‌شووی و اولر‌نینگ فعالیت‌لری‌گه توسیق بولیشلری‌دن شکایت قیلیب و ایتیشلریچه، ترافیک پولیسی قانیقرلی سبب‌نی بیان قیلمس‌دن، اولرنی کلتک‌لب و سرک‌لردن یولاوچی آلیشلری‌گه توسیق بوله‌دی.
ییتی ییل‌دن بیری کابل‌نینگ کوته‌ی‌سنگی و پل‌‌باغ عمومی یولی‌ده هیداوچیلیک ایشی بیلن شغللنگن حمید‌الله‌نینگ ایتیشیچه، حیاتی نی دوام بیریش مقصد هیداوچیلیک‌دن باشقه چاره‌سی بولمه‌ی و انه شوو سبب، ترافیک‌نینگ فزیکی یانده‌شووی‌‌گه بی‌فرق بولگن.
اونینگ کوپه‌یتیریشیچه: «حاضر‌گچه بیر مرته اولر تامانیدن کلتک‌لندیم. موتریم‌نی نیچه مرته اوردیلر که کوره‌سیز قنچه بوزیلگن. اوزلرینگیز هم کوره‌سیزلر که قوللری‌ده دنده بار. ترافیک ریاستی‌دن نظم یره‌تیب و بیکت قوریشلری‌نی ایسته‌میز.»
بیزلرنینگ «ایکس» ترماغی ده هم تعقیب قیلینگ!
شونینگدیک کابل شهری‌ده‌گی سرک‌لردن باشقه بیریده هیداوچیلیک قیله‌دیگن عبدالمتین هم بو کبی بیر موضوع‌نی بیان قیلیب و سلام‌وطندار گه ایتیشیچه: «دارالامان منطقه‌سیده ایدیم که ترافیک پولیسی مینی کلتک‌له‌دی. جنجل قیلدی. بیر کون موتریم‌نینگ تیری‌نی پنچر قیلدیلر، نیگه بو ایش‌نی قیلدینگ دیب سوره‌گنیم‌ده، ایاغی‌نی ایاغیم اوستی‌گه قویدی. نیگه بو رقم یانده‌شه‌سیزلر دیگنیم‌ده جنجل قیلیش‌گه باشله‌دی. کیم‌گه شکایت قیله‌یلیک.»
عین حالده، ایچکی ایشلر وزیرلیگی‌نینگ ترافیک عمومی ریاستی مسئوللری، هیداوچیلر بیلن فزیکی یانده‌شوو‌‌نی رد قیلیب و اولردن، ترافیک پولیسی تامانیدن هر قنده‌ی تخلف‌نی کورگنلری پیتده، رسمی شکلده شکایت‌لری‌نینگ ثبت قیلیشلری‌نی ایسته‌گن.
ایچکی ایشلر وزیرلیگی ترافیک عمومی ریاستی یاردم‌چیسی نجات نواز گه کوره: «ترافیک پولیسی تامانیدن هیداوچی‌لر‌نینگ کلتک‌لنیش موضوع‌سی‌نی رد قیله‌میز. بیران مرته بو رقم بیر موضوع چیققنی صورت‌ده، شکایتلرینی ثبت قیلسینلر. بیزلر ترافیک پولیسلری‌گه توصیه قیله‌میز که هیداوچی‌لر‌نینگ کلتک‌لمه‌سینلر، دنده‌لر بیلن موترلر گه اورمه‌سینلر و هیداوچیلر‌نی اذیت قیلمه‌سینلر. شونینگدیک هیداوچیلر هم ترافیکی قاعده-قانون‌نی رعایت قیلسینلر و هیداوچیلر آرقه‌لی تخلف بولگنی صورت‌ده، موتر‌لرینی شهرچه‌گه آلیب کیته آله‌دیلر.»
شهر ایچیده یولاوچی آله‌دیگن کیچیک موترلر هیداوچیلردن قطاری‌نینگ قیین‌چیلیک‌لریدن بیر قسمی، شهر ایچیده بیکت یوقلیگی دیر که بو قیین‌چیلیک سبب، موترلر چهارراه‌لر و شهر‌نینگ گوجوم بولیم‌لری‌دن یولاوچی آلیب و ترافیک پولیسی بیلن قیین‌چیلیککه روپه‌ره بوله‌دیلر.
بیزلرنینگ فیسبوک صحیفه‌میزگه باش اورینگ!
لیکن ترانسپورت و هوا یوللری وزیرلیگی مسئوللری‌نینگ ایتیشلریچه، شهر ایچیده نظم یره‌تیلیشی مقصد، شهر‌نینگ تورلی بولیم‌لری‌ده بیکت قوریش‌نی نظرگه آلگنلر.
اوشبو وزیرلیک نشرات آمری حکمت‌الله آصفی‌نینگ سلام‌وطندار گه ایتیشیچه: «ترانسپورت و هوا یوللری وزیرلیگی تیگیشلی اداره‌لر بیلن موترلر گه بیکت قوریلیشی توغریسیده ایشلماقده. شهر ایچیده نظم یره‌تیلیشی و شهری تکسی‌لر رواجلنیشی مقصد، کابل شهری‌ده شخصی موترلر فعالیتی‌گه رخصت بیریلمه‌یدی.»
نیچه دهه‌دن بویان کابل شهری، منظم شهری ترانسپورت‌گه ایگه ایمس و کونده یولاوچیلر‌نینگ تاشیش کته قسمی‌نی، خصوصی سکتور اینیقسه شخصی پلیت‌لی موترلر عمل‌گه آشیره‌دی.
