افغانستان ملکی هوانوردلیک و ترانسپورت وزیرلیگی مسئوللری نینگ ایتیشلریچه، ولایت‌لر نینگ یولاوچی تاشووچی موترلری اوچون، کابل ده ینگی ستندرد ترمینال‌لر قوریله‌دی. اولر گه کوره، ینگی ترمینال‌لر نینگ قوریلیشی خصوصیده ریجه‌لری بار و اونینگ عمل گه آشیریلیشی اوچون ایش دوام قیلماقده.
ملکی هوانوردلیک و ترانسپورت وزیرلیگی سوزلاوچیسی امام‌الدین احمدی نینگ سلام‌وطندار گه ایتیشیچه، کابل شهری‌ده ترافیکی گوجوم‌لیک کمه‌یشی مقصد، شهر‌دن تشقی‌ده ینگی ستندرد ترمینال‌لر نینگ قوریلیشی و ولایت‌لر نینگ یولاوچی تاشووچی و لینی موتر‌لر بیکت‌لرینی مذکور ترمینال‌لر گه انتقال تاپیشی گه قرار آلینگن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک سوزلاوچیسی نینگ کوپه‌یتیریشیچه: «بو بولیم‌لر، عنعنوی بیکت‌لر دیر و شمال ترمینالی کبی خصوصی سکتور گه قرارداد اوچون بیره‌میز که، کابل نینگ تورلی بولیم‌لریده شهر‌دن اوزاق ینگی ترمینال قورسینلر.»
شونده‌ی بیرحالده، زمینی ترانسپورتی شرکت‌لردن قطاری نینگ مسئوللری گه کوره، کابل ده ینگی ستندرد ترمینال‌لر نینگ قوریلیشی بیلن، اولر گه کوپینچه آسایشته‌لیک‌لر یره‌تیلیشی ممکن.
زمینی ترانسپورتی شرکت‌لردن بیری نینگ مسئولی عبدالرحیم صافی نینگ ایتیشیچه: «اوتگن ییل‌لرده بیر موتر بیللی ایمس ایدی و اهالی گه قیین‌چیلیک یره‌تیشی ممکن ایدی؛ بیراق حاضر ایسه بیللی بیکت و ترمینال بار. یولاوچیلر نینگ مال و جانی امان‌ده و بیزلر هم بیر یولاوچی نی ولایتی نینگ بیللی بیر ییری‌دن انتقال بیره آله‌میز.»
شونینگدیک زمینی ترانسپورتی شرکت‌لردن باشقه بیری نینگ مسئولی مختار نینگ ایتیشیچه، ینگی ستندرد ترمینال‌لر نینگ قوریلیشی بیلن، شونینگدیک زمینی ترانسپورت قاعده-قانونی نینگ مراعت بولیشی کیرهک.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بیرینچی‌ده ولایت‌لر گه حرکت قیله‌دیگن مرترلر نینگ قاعده-قانونی مراعت و یولاوچیلر گه، رستورانت‌لر و اولتیریش جای یره‌تیلیشی کیرهک. حاضر بو رقم ایمس و ستندرد شکلده قوریلگنی صورت‌ده، بیزلر هم خورسند بوله‌میز و اهالی هم خورسند بوله‌دی.»
ایتیش کیرهک که، حاضر ایسه یالغیز کابل نینگ شمالی حوزه‌سیده، ستندرد ترمینال بار.