کابل نینگ پل‌سرخ منطقه‌سیده جوراب ساته‌دیگن نجیبه نینگ ایتیشیچه، کسل تورموش اورتاغی و ییتی باله‌سی نینگ نیازلری نی تامین‌لش اوچون ایرتنگ‌دن آخشم‌گچه بو ییرده ایشلش گه مجبور دیر.
نجیبه نینگ کوپه‌یتیریشیچه: «ایرتنگ ساعت ۸:۰۰ ده اوی‌دن چیقه‌من. ییتی باله‌م بار و توموش اورتاغیم نینگ یوره‌ک کسل‌لیگی بار و ایش قیله آلمه‌یدی؛ عایله خره‌جتی نی تامین‌لش گه مجبورمین. کونده ۲۰۰ افغانی تاپه‌من.»
نجیبه گه کوره، ایش قیلیش چاغیده اهالی تامانیدن آزار و اذیت بوله‌دی. «شوو ییرگه اولتیره‌من، کوپینچه ایرکک مینگه قره‌ب و قنده‌ی بیر عیال دیه‌دیلر؛ بیراق مین یامان ایمس‌مین، یالغیز ایشله‌یمن و باله‌لریم گه حلال نان آلیب باره‌من. بو مینی اوچون همه نرسه.»
بیزلرنینگ فیسبوک صحیفه‌میزگه باش اورینگ!
سرکلردن باشقه بیریده باله‌لر کییمی بیلن آزیق-آوقت ماده‌لرینی ساته‌دیگن حلیمه نینگ ایتیشیچه، تورموش اورتاغی وفات قیلگن و بیش باله‌سی نینگ خره‌جتی نی تامین‌لش اوچون سودا ساتیش گه علاوه بوت هم تیکه‌دی.
حلیمه نینگ کوپه‌یتیریشیچه: «اوچ ییل‌دن بیری کراچی بیلن ایشله‌یمن؛ بوندن آلدین بیرلشگن ملتلر تشکیلاتی دفتری‌ده تیکووچیلیک صفتیده ایشله‌یدیم. باله‌م کیچیک و مکتب کیته‌دی؛ قیزلر کیچیک و درس اوقیش اوچون پول گه نیازی بار. ایرتنگ نمازدن کیین چیقه‌من؛ بعضا ۲۰۰ افغانی و بعضا ۳۰۰ افغانی قولگه کیلتیره‌من و ۳۰۰۰ افغانی اوی کرایه هم بیره‌من.»
شونینگدیک کابل ده قول اوستیده سودا ساته‌دیگنلردن قطاری نینگ ایتیشلریچه، اولر گه نهادلر و دفترلرده مناسب ایشلر تاپیلگنی‌ده سرک‌لرده سودا ساتیش گه مجبور ایمسلر. فریبا و تورموش اورتاغی قول اوستیده سودا ساتیش بیلن توقیز کیشی‌لیک عایله خره‌جتی نی تامین قیله‌دی.
فریبا نینگ ایتیشیچه: «قاغاز ساته‌من؛ چونکه اقتصادیمیز ضعیف دیر. ایرککلر گه ایش یوق؛ اوشه اوچون ایشلش گه مجبور بولدم؛ اوی گه توقیز کیشی‌میز. بو ایسیق هواده ایشلش گه مجبورمیز. بیران ییرگه عیاللر اوچون ایش بولسه و حکومت معاش بیرسه، ایشلش گه تیارمیز.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، سرپرست حکومت اقتصاد وزیرلیگی سوزلاوچیسی عبدالرحمان حبیب، افغانستان اقتصادی رواجلنیشی خصوصیده عیاللر رولینی اونملی دیب و عیاللر گه ایش زمینه‌سی یره‌تیلیشی‌نی بیان قیله‌دی.
اونینگ ایتیشیچه: «قشاقلیک کمه‌یشی، ایش زمینه‌سی یره‌تیلیشی و پیشرفت اوچون مقصدیمیز دواملی دیر. اقتصاد رواجلنیشی‌ده عیاللر رولی اونملی و اولر قشاقلیک کمه‌یشی، ملی عایدلر کوپه‌یشی و عایله‌لر اقتصادی رواجلنیشی‌گه حصه قوشه آله‌دیلر. کیچیک تجارتلر و خانگی تولیدلردن قوللب-قوتلش و بازار تاپیش خصوصیده تورلی برنامه‌لر بار که بو یول آرقه‌لی عیاللر گه تورلی ایش فرصتلری یره‌تیلیشی ممکن.»
بیرلشگن ملتلر تشکیلاتی افغانستان ده ۲۳.۷ میلیون کیشی نینگ انسان‌پرورلیک یاردم‌لر گه احتیاجی بولگنی خصوصیده معلومات بیرگنی بیرحالده، پایتخت‌‌ده عیاللردن قطاری قول اوستیده سودا ساتیش گه یوز کیلتیرگن.
