افغانستان تیمیر ایریتیش ایشخانه‌لر اتفاقی مسئوللری، کابل شهری ده انشاآتی ایشلر توخته‌تیلیشیدن خواطر بیلدیریب ایتیشلریچه، پایتخت ده انشاآتی ایشلر توخته‌تیلیشی باعث اولکه ده تیمیر ایریتیش ایشخانه‌لر فعالیتینی قیینچیلیک بیلن روپه‌ره قیلگن.
افغانستان تیمیر ایریتیش ایشخانه‌لر اتفاقی نینگ اجرائیه باشلیغی عبدالنصیر رشتیا گه کوره: «کابل ده انشاآتی ایشلر توخته‌تیلسه، کابل شهری ده فولاد صناعتی تنزل گه یوز توتیب و ایشلب چیقریش میزانینی کمه‌یتیره‌دی، شونی اوچون کوپ سانده کیشی‌لر بیکار بولیش‌لری ممکن.»
بیزلرنینگ فیسبوک صحیفه‌میزگه باش اورینگ!
عین‌حالده، رحیم گردیزی تجارتی کمپنیه مسئوللری نینگ ایتیشلریچه، کابل شهری ده انشاآتی ایشلر توخته‌تیلیشی باعث، اولکه ده سیخ و تیمیر وارداتی جریانی توخته‌گن.
مذکور کمپنیه مسئوللری دن مسیح‌الله نینگ سلام‌وطندار گه ایتیشیچه، کابل شهری ده انشاآتی ایشلر توخته‌تیلیشی بیلن اونلب کیشی ایش‌سیز بولگن. اونگه کوره: «اوشبو بولیم ده قریب ۴۰۰_۵۰۰ کیشی ایشلر ایدی حاضر سان‌لری ۸۰_۹۰ کیشی گه کمه‌یگن، هر آی ۸۰ مینگ تُن تیمیر ایران، اوزبیکستان و روسیه دن وارد قیلر ایدیک حاضر واردات توخته‌گن چونکه تقاضا یوق. افغانستان ده‌گی محدود نیچه ته کمپنیه هر آی ۲۰۰۰_۳۰۰۰ تُن ایشلب چیقره‌دی که قیینلیک بیلن ساتیله‌دی.»
میثم تیمیر ایریتیش ایشخانه مسئوللریدن شفیق‌احمد نینگ ایتیشیچه، انشاآتی ایشلر توخته‌تیلیشی اولر نینگ فعالیتی اوستیگه سلبی تأثیر قیلگن. او نینگ کوپه‌یتیریشیچه: «منفی تأثیر قیله‌دی چونکه ایشخانه‌لر نینگ سوداسی کمه‌یگن و بیز هر کونی ۲۰۰ تُن ایشلب چیقرر ایدیک و حاضر ۵۰ تُن هم ایشلب چیقریلمه‌یپتی.»
شو بیلن بیرگه، شهرلر و یشش اوی‌لرنی قوریش وزیرلیگی مسئوللری نینگ سلام‌وطندار گه ایتیشلریچه، کابل شهری ده انشاآتی ایشلر ماستر پلان بولمه‌گن منطقه‌لرده قوریلیشی باعث، وقتینچه‌لیک توخته‌تیلگن.
بیزلرنینگ توییترده هم تعقیب قیلینگ!
مذکور وزیرلیک سوزلاوچیسی محمدکمال افغان گه کوره، ماسترپلان بولمه‌گن منطقه‌لرده قوریلیش ایشلرینی آلدینی آلیش مقصدیده بیر ریجه اوستیده ایشله ماقده‌لر.
او نینگ ایتیشیچه: «کابل ده بوتونلی قوریلیش ایشلری توخته‌تیلگن، چونکه کوپ سانده انشاآت‌لر ماستر پلان گه قرشی منطقه‌لرده قوریلگن، شونی اوچون وقتینچه‌لیک شکلده توخته‌تیلگن.»
شهرلر و یشش اوی‌لرنی قوریش وزیرلیگی نینگ مسئوللری، کابل ینگی شهری ماستر پلان عملی ایشی نیچه کونگچه باشله‌نیشیدن خبر بیره‌دیلر.