متقاعدلردن بیرقطاری، بوگون (سه‌شنبه، ۲۷ سرطان)، کابل ده مالیه وزیرلیگی نینگ متقاعدلر خزینه‌سی ریاستی برابریده ناراضی‌لیک بیلدیریب ایتیشلریچه، اوچ ییل دن بیری آی‌لیک‌لری توله‌نیلمه‌گن. اوشبو ناراضی‌لیک همایش ده اشتراک ایتگن متقاعدلر، حقوق‌لری توله‌نیلیشی اوچون بیرلشگن ملت‌لر تشکیلاتی دن واسطه‌چیلیک قیلیشینی سوره‌یدیلر.
کابل ده دقیقی بلخی مکتبی نینگ سابق اوقیتووچیسی و معارف وزیرلیگی نینگ تقاعد قیلگن ایشلاوچیلریدن بیری محمدیاسین نینگ ایتیشیچه، اوچ ییل دن بیری تقاعدی آی‌لیگی توله‌نیلمه‌گن. محمدیاسین نینگ کوپه‌یتیریشیچه، ییتتی کیشی‌لیک عایله سرپرستی دیر و عایله اعضالری نینگ نفقه‌سینی تأمینلش اوچون تیلنچی‌لیک قیلیش گه مجبور بولگن.
بیزلرنینگ فیسبوک صحیفه‌میزگه باش اورینگ!
اونگه کوره: «بیر اوقیتووچی هیچ قچقان آبروسینی توکمه‌یدی، بوگون‌لیک کونده فرزندلریم، خاتینیم و ایکی یاش قیزیم نینگ نفقه‌سینی تأمینلش اوچون تیلنچی‌لیک قیلیش گه مجبور بولدیم.»
باشقه تاماندن، متقاعدلردن بیرقطاری متقاعدلر خزینه‌سی ریاستی برابری ده ناراضی‌لیک همایش اوتکزیب ایتیشلریچه، اوچ ییل دن بیری حکومت تامانیدن آی‌لیک‌لری توله‌نیلمه‌گن.
اولر، حقوق‌لری توله‌نیشی اوچون بیرلشگن ملت‌لر تشکیلاتی دن واسطه‌چیلیک قیلیشینی طلب قیلگنلر.
ملی مدافعه وزیرلیگی نینگ متقاعدلریدن سلیم گه کوره: «بیرلشگن ملت‌لر تشکیلاتی دن متقاعدلر نینگ آی‌لیگی توله‌نیشی اوچون دولت اوستیگه باسیم کیلتیریشنی ایسته‌یمیز، اگر بیرمسه دنیا همجمعیت و بیرلشگن ملت‌لر تشکیلاتی متقاعدلر نینگ آی‌لیگینی توله‌شی کیره‌ک.»
سابق حکومت ده ایچکی ایشلر وزیرلیگی متقاعدلریدن عبدالدیان گه کوره، ۱۰ کیشی‌لیک عایله سرپرستی دیر و عایله اعضالری نینگ نفقه‌سیتی تأمینلش اوچون، اوی اوسکونه‌لرینی ساتیش گه مجبور بولگن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «متقاعدلر اوچون اوی و تشقری ده آبرو_عزت قالگنی یوق و اسلام امیرلیگی کابینه‌سی متقاعدلر اوچون بودجه اجره تمه‌دی.»
عین‌حالده، مالیه وزیرلیگی سوزلاوچیسی عبدالولی حقمل نینگ ایتیشیچه، متقاعدلر نینگ آی‌لیگی توله‌نیش طرحی تیارله‌نیب و تصدیقله‌نیشی اوچون اسلام امیرلیگی رهبری گه یوباریلگن و تصدیقله‌نیشیدن کیین عملی بوله‌دی.
اونگه کوره: «اسلام امیرلیگی رهبری تامانیدن متقاعدلر نینگ آی‌لیگی توله‌نیش طرحی تصدیقله‌نیشینی کوتماقده‌میز و انشاءالله تصدیقله‌نیشیدن کیین متقاعدلر نینگ آی‌لیگی توله‌نیله‌دی.»
متقاعدلر اتفاقی نینگ معلوماتی اساسیده، افغانستان بویلب عیاللر شامل ۱۴۹ مینگ متقاعد موجود، سونگی ایکی ییل ده مذکور متقاعدلر نینگ اکثریتینی آی‌لیگی توله‌نیلمه‌گن.
ایتیش کیره‌ک که، بوندن آلدین متقاعدلر حقوق‌لری توله‌نیلمسلیگیدن ناراضی‌لیک بیلدیرگن ایدیلر، بیراق متقاعدلر نینگ طلبی گه حاضرگچه مثبت جواب قیتیریلمه‌گن.