بوگون (پنجشنبه، ۴-اسد)، کابل نینگ هود‌خیل منطقه‌سیده خلق‌ارا ستندردلر بیلن «لایف پرل» اسمی آستیده دارو ایشلب چیقریش خصوصی بیر کارخانه آچیلگن.
مذکور دارو ایشلب چیقریش کارخانه مسئوللری نینگ ایتیشلریچه، اوشبو کارخانه نینگ قوریلیشی ۲۰ میلیون دالر خره‌جت کوتاریب و حاضر ایسه مذکور کارخانه‌ده ۵۰ قلم دارو ایشلب چیقریله‌دی.
بیزلرنینگ فیسبوک صحیفه‌میزگه باش اورینگ!
مذکور دارو ایشلب چیقریله‌دیگن کارخانه باشلیغی احمد‌الله کوچی نینگ ایتیشیچه: «بیر یریم میلیون تابلیت، بیر یریم میلیون کپسول و ۱۰۰ مینگ بوتل شربت بیر کیچه و کوندوز ده ایشلب چیقریله‌دی. مذکور کارخانه گه ۲۰ میلیون دالر سرمایه یاتقیزیلگن.»
ساغلیق‌نی سقلش وزیرلیگی مسئوللری نینگ ایتیشلریچه، مملکت یشاوچیلری ییل‌ده دارو ساتیب آلیش اوچون بیر میلیارد دالر مصرف قیله‌دیلر.
اوشبو وزیرلیک نینگ آزیق-آوقت اداره‌سی معینی عبدالباری عمر گه کوره، حاضر ایسه افغانستان دارو ایشلب چیقریش خصوصیده ۲۰-۲۵ فایز خودکفالیککه ییتیشگن.
جناب عمر نینگ ایتیشیچه: «حاضر ایسه افغانستان دارو ایشلب چیقریش خصوصیده ۲۰-۲۵ فایز خودکفالیککه ییتیشگن و خصوصی سکتور‌دن مملکت‌ده قوشمه شکلده دارو ایشلب چیقریش بویوک بیر کارخانه ایجاد قیلینیشی و دنیا ده تورلی کسل‌لیکلر اوچون ایشلب چیقریله‌دیگن برچه دارولر نینگ توزه‌تیلیشینی ایسته‌یمیز و حکومت ییر ترقه‌تیش و برق تامین‌لنیشی بولیمی‌ده یاردم بیره‌دی.»
ساغلیق‌نی سقلش وزیرلیگی مسئوللری مذکور دارو ایشلب چیقریله‌دیگن کارخانه‌دن یشاوچیلر اوچون مناسب قیمت بیلن صفتلی دارولر ایشلب چیقریلیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، ساغلیق‌نی سقلش وزیرلیگی سرپرستی جلال جلالی، مملکت ایچیگه دارو قاچاق قیله‌دیگن سوداگرلردن، بو ایش‌دن قول تارتیشلرینی ایسته‌گن. «صفتسیز دارو نی قاچاق یولی آرقه‌لی مملکت گه کیلتیره‌دیگن کیشی‌لردن، اهالی گه ظلم قیلمسلیکلری و بو ایش‌دن قول تارتیشلرینی ایسته‌یمیز.»
ساغلیق‌نی سقلش وزیرلیگی نینگ معلوماتی اساسیده، حاضر ایسه مملکت‌ده ۹۵دن آرتیق دارو ایشلب چیقریش کارخانه نینگ فعالیتی بار؛ لیکن ینه هم یشاوچیلر نیازی بولگن دارولردن کوپینچه‌سی تشقی‌‌دن وارد بوله‌دی.
