کابل شهریده موتر هیداوچیلردن قطاری، تیل تانکلریدن بیر قطاری‌ده صفت‌سیز تیل ساتیلیشی‌دن شکایت قیلیب ایتیشلریچه، صفت‌سیز تیل موترلر ماشین‌لری نینگ خراب بولیشی گه سبب بولگن.
کابل شهریده تکسی هیداوچیلردن احمد‌شاه نینگ سلام‌وطندار گه ایتیشیچه، تیل تانک‌لریده تیل‌لر قیمتی فرقلی دیر. «تیل تانک‌لریده اوچ رقم تیل بار، بیری‌سی اعلا، بیری‌سی اورته و آخری ایسه صفت‌سیز دیر که، ۷۵، ۷۰ افغانی و صفت‌سیز تیل ایسه ۶۲ افغانی ساتیله‌دی.»
کابل شهریده تکسی هیداوچیلردن باشقه بیری سید‌گل نینگ ایتیشیچه، تیل‌لر نینگ صفت‌سیزلیگی نتیجه‌سیده، موتری نینگ ماشینی خراب بولگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اوز کوزیمیز بیلن کورگنی‌میز نی ایته‌میز که، قیسی هیئت کیلیب، مذکور تیل تانکی نی کورگن بولسه؟ قیسی بیری کیلیب لابراتوار قیلگن بولسه؟ صفت‌سیز تیل‌دن قوللنیش موتر ماشین‌لریمیز نی خراب قیله‌دی و قیین‌چیلیک تاپیله‌دی.»
کابل شهریده تکسی هیداوچیلردن باشقه بیری قطاری تیگیشلی نهاد‌لردن مملکت بازارلریده صفت‌سیز تیل نینگ کنترول بولینیشی نی ایسته‌یدیلر.
عین حالده، تکسی هیداوچیلردن شکران نینگ ایتیشیچه: «تیل کیفیتی نینگ یخشی دیه‌دیلر؛ بیراق کوریلمه‌یدی، فکرمچه هیچ یخشی ایمس. موترلریمیز هوا نینگ افلاسلنتیره‌دی و اوشبو قیین‌چیلیک نینگ سببی، تیل نینگ صفت‌سیزلیگی دیر، فکرمچه اونینگ کیفیتی ۲ و ۳ بولیشی کیرهک.»
مذکور هیداوچیلر نینگ کوپه‌یتیریشلریچه، صفت‌سیز تیل‌دن قوللنیش، هوا نینگ افلاسلنیشی گه علاوه، شونینگدیک موترلر نینگ ماشینی نی خراب قیله‌دی.
استندرد ملی اداره مسئوللری، پایتخت تیل تانک‌لریده صفت‌سیز تیل‌لر موجود‌لیگی نی قبول قیلیب؛ بیراق ایتیشلریچه، اوتگن نیچه آی‌ده، کابل شهریده صفت‌سیز تیل ساتیش عیبی بیلن ۳۰۰ تیل تانکی نینگ یاپگنلر.
بیزلرنینگ فیسبوک صحیفه‌میزگه باش اورینگ!
بو توغریده استندرد ملی اداره سوزلاوچیسی عاشق‌الله وزیر نینگ سلام‌وطندار گه ایتیشیچه: «کابل شهریده ۳۰۰دن آرتیق تیل تانکی نی مهرلاک قیلدیک، چونکه صفت‌سیز تیل ساته‌ر ایدیلر و یشاوچیلر نینگ ایتگنی کبی، شهر‌ده تورلی‌خیل تیل بار. A95، A92، A80، مذکور تیل‌لر نینگ قوللنیلیشی ممکن؛ بیراق تیل A92 و تیل A92 نینگ کیفیتلی بولیشی کیرهک و برچه ولایت‌ده تیکشیریشلر نینگ دوامی بار که صفت‌سیز نرسه‌لر کمه‌یسین.»
مذکور اداره مسئوللری نینگ ایتیشلریچه، یک‌شنبه کونی، اوزبیکستان‌دن افغانستان گه وارد بولگن ۶۷ تیل تانکری نی، حیرتان بندری‌ده تیکشیریلگنی‌دن کیین، صفت‌سیز بولگنی سبب، قیته یوباریلگن.
ایتیش کیرهک که، حاضر ایسه کابل شهریده صفت‌سیز نفتی ماده‌لر آز قیمت بیلن ساتیله‌دی؛ بیراق حاضرگچه استندرد ملی اداره‌سی صفت‌سیز تیل ساتیلیشی نینگ آلدینی آلالمه‌گن.
