کابل امنیه قوماندان‌لیگی، اوشبو ولایت ده محرم کون‌لری اینیقسه عاشورا مراسمی دن نشانلش کونیده تکیه‌خانه‌لر و مسجدلر امنیتی تأمین ایتیلیشیدن ایشانچ بیریب ایتیشلریچه، کابل شهری خوفسیزلیگی تأمین ایتیلیشی اوچون امنیتی ارگان‌لر و شیعه‌لر نینگ بویوک‌لری اورته‌سیده قوشمه بیر کمیسیون شکللنگن.
کابل امنیه قوماندان‌لیگی سوزلاوچیسی خالد زدران نینگ سلام‌وطندار گه ایتیشیچه: «شیعه‌لر نینگ مذهبی مراسمی اوچون ایچکی ایشلر وزیرلیگی، کابل امنیه قوماندان‌لیگی، استخبارات، مدافعه وزیرلیگی، معلومات و مدنیت وزیرلیگی و شیعه‌لر نینگ بویوک‌لری اورته‌سیده قوشمه بیر کمیته شکللنگن، اولر نینگ مصلحتی بیلن تکیه‌خانه‌لر و مسجدلر امنیتی تأمین ایتیله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، شیعه عالم‌لریدن بیرقطاری، پایتخت کابل غربی ده مسجدلر و تکیه‌خانه‌لر امنیتی تأمینلنیشی اوچون اسلام امیرلیگی کوچلریدن منتدارلیک بیلدیریب و اولر یشاوچیلر بیلن یخشی یانده‌شیش‌لرینی طلب قیله‌دیلر.
افغانستان شیعه عالم‌لری کینگشی عضوی عبدالله افضلی گه کوره، حسینی ماتم توتگن‌لر خاطر جمع‌لیک بیلن مذهبی مراسم‌لرینی اوتکزیش اوچون اسلام امیرلیگی کوچلری اولر نینگ خوفسیزلیگینی تأمینله‌گنلر.
او نینگ ایتیشیچه: «اسلام امیرلیگی محرم کون‌لری ده خوفسیزلیک نی تأمینلش اوچون اردو و ملی امنیت کوچلرینی وظیفه‌لنتیرگن.»
بیزلرنینگ توییترده هم تعقیب قیلینگ!
شونینگدیک، کابل شهری غربی قسمی ده رسول‌اکرم مسجدی، مهدویه جامع مسجدی، وحدت مسجدی، پنج‌تن مسجدی و امام‌زمان مسجدلری مسئولی حمید، یشاوچیلردن محرم کون‌لری امنیتی تأمین ایتیلیشی اوچون خوفسیزلیک کوچلر بیلن همکار بولیش‌لرینی طلب قیله‌دی.
او نینگ کوپه‌یتیریشیچه: «یشاوچیلر و حسینی ماتم توتگن‌لر، تینچ فضا و خاطر جمع‌لیک بیلن مذهبی مراسم‌لرینی اوتکزماقده‌لر و امنیتی هیچ قیینچیلیک یوق دیر.»
ایتیش کیره‌ک که، حسینی عاشورا مراسمی هر ییلی پایتخت کابل و مملکت نینگ قطار ولایت‌لریده امنیتی چاره تدبیر کوریلیشی بیلن نشانلنه‌دی.