افغانستان شیعه عالم‌لری اویوشمه‌سی، بوگون (پنجشنبه، ۲۹ سرطان) ، «عاشورا، ملی وحدت نی مستحکم‌لش، عامه ترتیبی‌نی سقلش و دین‌لرنی یقین‌لشتیریش» عنوانیده یولگه قویگن مطبوعاتی ییغیلیش ده ایتیشلریچه، محرم آیی ده اسلام امیرلیگی تامانیدن چیکلاو یره‌تیلمه‌گن و شهر نینگ تورلی بورچک‌لریده‌گی برچه سقاخانه‌لر عادی روشده فعالیت قیلیشماقده.
افغانستان شیعه عالم‌لر اویوشمه‌سی باشلیغی سیدحسین فاضل، امنیتی کوچلردن محرم آیی ده حسینی ماتم توتگن‌لر بیلن یخشی مناسبتده بولیشنی سوره‌یدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «محرم آیی ده اسلام امیرلیگی تامانیدن یره‌تیلگن چیکلاولرنی رد قیله‌میز و اسلام امیرلیگی دن محرم آیی ده حسینی ماتم توتگن‌لر بیلن یخشی مناسبتده بولیشنی ایسته‌یمیز.»
خوفسیزلیک کوچلر محرم آیی ده خوفسیزلیک تأمینلنیشی مقصدیده کابل شهری نینگ تورلی بورچک‌لریده وظیفه‌لنتیریلگن.
عین‌حالده، اولکه یشاوچیلریدن بیرقطاری حسینی ماتم توتگن‌لردن، ترتیب‌سیزلیک قیلمه‌ی و اوشبو مناسبت بیلن صدقه‌لری آره‌سیده بانک قانی گه یاردم بیریش‌لرینی ایسته‌یدیلر.
افغانستان ملی اجماع و صلح باشلیغی عطاءالله صادق شهباز گه کوره: «حسینی ماتم توتگن‌لر محرم آیی ده ترتیب‌سیزلیک قیلمه‌ی و محرم مناسبتی بیلن صدقه‌لری آره‌سیده قان بانکی گه یاردم بیریش‌لری کیره‌ک.»
بیزلرنینگ توییترده هم تعقیب قیلینگ!
شو بیلن بیرگه، امرمعروف و نهی منکر مسئوللری نینگ ایتیشلریچه، محرم آیی ده چیکلاو یره‌تیلمه‌گن و حسینی ماتم توتگن‌لر ایرکین‌لیک بیلن محرم آیی دن نشانلش‌لری ممکن.
کابل شهری اون سکیزینچی حوزه نینگ امرمعروف و نهی منکر مسئولی احسان‌الله ثاقب گه کوره: «برچه حوزه‌لرده محرم آیی دن نشانلش اوچون یشاوچیلر آزاد دیر و اولر گه چیکلاو یره‌تیلمه‌گن.»
محرم مراسمی، هر ییلی پایتخت کابل و مملکت نینگ باشقه ولایت‌لریده خوفسیزلیک چاره تدبیر کوریلیشی بیلن نشانلنه‌دی.
