کابل بلدیه‌سی بوگون (دوشنبه، ۸-عقرب)، ترقیاتی پروژه‌لر آستیده‌گی ملکیت‌لر نینگ استملاک حقی توللنیش جریانینی باشله‌‌گن. اوشبو اداره مسئوللری نینگ ایتیشلریچه، اوتگن ایکی ییل‌ده ۳۲۸ ملکیت نی ۲۴۴ میلیون‌دن آرتیق افغانی گه استملاک قیلگن.
کابل بلدیه‌سی نینگ اطراف-محیط نی سقلش و شهری خذمت‌لر معینی محمدخالد سجستانی نینگ ایتیشیچه: «فتح‌دن کیین، ۳۲۸ ملکیت استملاک آستیده قرار تاپیب و اونینگ پولی ایگه‌لری گه بیریلگن و اوشبو ملکیت‌لردن قطاری ۱۰ ییل‌دن آلدین استملاک بولگن ایدی؛ بیراق حقلری توللنمه‌گن ایدی و بیزلر حقلری نی بیردیک.»
بیزلرنینگ «ایکس» ترماغی ده هم تعقیب قیلینگ!
کابل بلدیه مسئوللری نینگ کوپه‌یتیریشلریچه، حاضر کابل شهری‌ده ۱۰ ته ییریک یول قوریلیش پروژه‌سی یولیده بولگن ملکیت‌لر، استملاک حالتی‌ده دیر و شونینگدیک اینگ یقین زمان‌ده باشقه آلتی پروژه تطبیق یولیده‌گی ملکیت‌لر نینگ استملاک بولیشی ممکن.
مذکور اداره سوزلاوچیسی نعمت‌الله بارکزی نینگ ایتیشیچه: «اوتمیش‌ده ملکیت تثبیتی بولمه‌گن پیت گه قدر، ملکیت پولی بریلمه‌س یدی، بیراق کابل بلدیه‌سی نینگ بویروعی و اداری مجلس قراری اساسیده، حاضر استملاک پروسه‌سی نینگ باشلنگنی و حجم آلیش مسئله‌ئی صورت تاپگنی‌دن کیین، اهالی گه بنا خساره‌سی نی بیره‌میز.»
باشقه بیر تامان‌دن، اوشبو بانامه‌ده کابل بلدیه‌سی نینگ استملاک رئیسی محمد‌حنیف متین نینگ ایتیشیچه، کابل بلدیه‌سی رواجلنیش پروژه‌لرده ملکیت‌لری قوللنیلگن کیشی‌لر حقوقی، منظم بیر لایحه اساسیده، توللنیلیشی ممکن. «ملکیت تثبیتی اراضی اداره‌سی نینگ ایشی قانونی اساسیده دیر، انه شوو سبب، ملکیت‌لری نینگ تثبیت قیلیش ایسته‌گن کیشی‌لر، مذکور اداره‌دن ملکیت تثبیتی نی آلیشلری کیره‌ک. ییر هویتی تثبیتی و کیشی نینگ هویتی تثبیتی بیراز زمان آله‌دی، لیکن کابل بلدیه‌سی کوچی ییتگونگه قدر، اولر نینگ قیین‌چیلیک‌لری نی حل قیله‌دی.»
شونده‌ی بیرحالده، بوگون ملکیت تاوان‌لری نی قولگه کیلتیرگن بیر قطار ملکیت ایگه‌لری نینگ ایتیشلریچه، بو مقدار پول نینگ توللنیلیشی زیان‌لری نینگ یالغیز بیر بولیمی نی جبران قیله‌دی.
بیزلرنینگ فیسبوک صحیفه‌میزگه باش اورینگ!
باغ بالا منطقه‌سیده اوچ بسوه ییری ترقیاتی پروژه گه بیریلگن اسد‌الله نینگ ایتیشیچه: «مین ییر بیرگن ایدیم و نیمه نرسه که کیره‌ک بولگن بولسه ییر اورنیده بیزلر گه بیردیلر. جوده‌یم خورسند‌میز بو پول بیزلر گه کوپ یاردم بیره‌دی، چونکه کرایی اویده حیات کیچیره‌من، آلتی آی جریانیده پولی‌میز نی بیردی.»
کابل بلدیه‌سی مسئوللری گه کوره، کابل شهری‌ده ۸۱ ته یول قوریلیش پروژه‌سی آره‌سیدن، ۲۴ ته پروژه نینگ ایشی قیش موسومی ییتیب کیلیشی بیلن تکمیل بولیشی ممکن.
