کابل امنیه قوماندان‌لیگی سوزلاوچیسی خالد زدران گه کوره، بوگون (شنبه، ۱۶ جدی)، کابل نینگ غربی قسمی ده یوز بیرگن پارتلش ده چمه‌سی ایکی کیشی اولیب و باشقه ۱۴ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
زدران جنابلری، ایکس اجتماعی ترماغی ده، کابل شهری دشت برچی ده کاستر رسوملی بیر موتر نشانگه آلینگنینی یازگن.
کابل امنیه قوماندان‌لیگی سوزلاوچیسی گه کوره، واقعه طفیلی یره‌لنگلر کسلخانه گه انتقال بیریلگن و واقعه گه دایر تیکشیریش‌لر باشلنگن.
بیزلرنینگ «ایکس» ترماغی ده هم تعقیب قیلینگ!
محل یشاوچیلری گه کوره، پارتلش شام چاغی ساعت ۶:۲۰ اطرافی ده «قلعه‌ی ناظر» ساحه‌سیده یوز بیرگن.
مذکور پارتلش مسئولیتینی حاضرگچه هیچ کیم یاگروه تن آلمه‌گن.