پاکستان رسمیلری، اوشبو مملکتنینگ بلوچستان ایالتیده شهری بس یولاوچیلریدن ۹ کیشی ناتانیش قورالی کیشیلر تامانیدن اوغیرلنیب و کېین اېسه آتیب اولدیریلگنینی تصدیقلهگن. محلی رسمیلر اوشبو هجومنی «دهشتلی جنایت» و «آچیق تروریزم» اتهگنلر.
پاکستان «جیونیوز» یېتکرمهسی، بوگون (۲۰-سرطان، جمعه) مذکور واقعه بلوچستان ایالتی ژوب حدودلریده یو ز بیرگنینی معلوم قیلگن.
معلوماتلر گه کوره، ناتانیش قوراللی کیشیلر، کویتهدن لاهور تامان یوللنگن بسنی ژوب یقینیده توختهتیب، اکثریت یولاچیلرنی توشیرگچ اولرنینگ ۹ نفرینی آتیب اولدیرگن.
بیزلرنینگ فیسبوک صحیفهمیزگه باش اورینگ!
ژوب کمیسری نوید عالمنینگ ایتیشیچه، هجومچیلر یولاوچیلرنی محلدن اوزاقلشتیریب و کېین اېسه اولرنی آتیب اولدیرگن.
پاکستان محلی رسمیلری، امنیتی کوچلر هجومچیلرنی قولگه آلیش اوچون کېنگ کولملی عملیاتنی باشلهگنلرینی معلوم قیلگن. اولر گه کوره، هجومچیلر کیچه قرانغوده واقعه محلیدن قاچگن؛ بیراق قیدویر عملیاتی همان دوام اېتماقده.
پاکستان باش وزیری شهباز شریف، اوشبو حادثه گه مناسبت بیلدیریب ایتیشیچه: «بیز بوتون کوچ بیلن تروریستلر گه قرشی کورهشهمیز. گناهسیزلرنینگ قصاصی آلینهدی. بیرلیک، کوچ بیلن مملکتدن تروریزم تامیرینی یوق قیلهمیز.»
بیزلرنینگ «ایکس» ترماغی ده هم تعقیب قیلینگ!
توقنشوولرنی انیقلش موسسه و پاکستان امنیتی معلوماتلری اساسیده، اوشبو ییل می آییده بو مملکتده تینچ اهالی گه قرشی ۸۵ هجوم اویوشتیریلگن اولر ارا ۳۵ هجوم بلوچستانده اویوشتیریلگن. اوشبو هجوملر عاقبتیده چمهسی ۳۰ تینچ اهالی شامل ۵۱ کیشی هلاک بولگن.
