تخار ولایتی خواجه‌غار تومنی «هزارباغ» قیشلاغی یشاوچیلری دن بیرقطاری، صحی ایچیملیک سوو یوق‌لیگیدن شکایت قیلیب سلام‌وطندار گه ایتیشلریچه، فرزندلری تعلیم دن محروم بولیشیگه قوشیمچه، بویره‌ک کسل‌لیگیگه چلینگنلر.
هزارباغ قیشلاغی یشاوچیلریدن سبحان‌قل نینگ سلام‌وطندار گه ایتیشیچه: «ییل‌لردن بیری صحی ایچیملیک سوودن محروم میز، ایکی ییل دن بیری فرزندلریمیز بویره‌ک کسل‌لیگیگه چلینگن و نیچه مراتبه کسلخانه گه مراجعت قیلدیک، لیکن شفاکارلر صحی ایچیملیک سوودن قوللنمسلیکنی اوشبو کسل‌لیک عاملی بیله‌دیلر.»
بیزلرنینگ فیسبوک صحیفه‌میزگه باش اورینگ!
هزارباغ قیشلاغی یشاوچیلریدن باشقه بیری عتیق‌الله گه کوره: «۴۰ یاشر من اوشبو منطقه ده حاضرگچه صحی ایچیملیک سوودن قوللنگنیم یوق، سابق حکومت‌لرده نیچه مراتبه پیشنهاد قیلدیک بیراق بوتوغریده حاضرگچه دقت قیلینمه‌گن.»
شونینگدیک هزارباغ قیشلاغی یشاوچیلریدن عبدالکریم نینگ ایتیشیچه: «سوو اوزاق‌لیگی طفیلی فرزندلریمیز تعلیم دن محروم بولگن و هر کونی سوو اوچون ایکی_اوچ مراتبه باریب کیله‌دیلر.»
اونینگ کوپه‌یتیریشیچه، هزارباغ قیشلاغیده مینگلب عایله صحی ایچیملیک سوو یوق‌لیگیدن عذاب ده‌لر و ییل بویلب یامغیر و قار سووی دن قوللنه‌دیلر. او اسلام امیرلیگی حکومتیدن بوتوغریده دقت قیلیشینی طلب قیله‌دی.
بیزلرنینگ توییترده هم تعقیب قیلینگ!
تخار قیشلاق‌لرنی رواجلنتیریش و قیته قوریش ریاستی نینگ برنامه‌لر ایشلری بوییچه آمری موحدالله حمید، هزارباغ قیشلاغی یشاوچیلری نینگ ایچیملیک سوولری یوق‌لیک قیینچیلیگینی تصدیقلب و بوتوغریده سابق حکومت نینگ دقت‌سیزلیککه عیبله‌یدی، او اوشبو قیینچیلیک حلی مقصدیده سعی و حرکت قیلیش‌لریدن ایشانچ بیلدیره‌دی.
عین‌حالده، اوتگن ۲۰ ییل ده خواجه‌غار تومنی اوروش میدانی بولگن، مذکور تومن یشاوچیلری ستندرد سرک یوق‌لیگی و مخابراتی ترماق‌لر فعال سیزلیگیگه علاوه، ایچیملیک سوودن هم محروم دیر.