سرپرست حکومت صناعت و سودا وزیرلیگی، بوگون (۱-ثور، دوشنبه) ترقهتگن بیانیهسیده، قزاقستان باش وزیرینینگ اورین باسری سریک ژومانگرین، دولت و اقتصادی ییریک هیئت باشچیلیگیده کابل گه تشریف بویرگنیدن خبر بیرگن.
بیانیه اساسیده، قزاقستان باش وزیرینینگ اورین باسری، قزاق-افغان سودا مجموعهسی اۉتکزیلیشی و ایکّی مملکتنینگ اقتصاد و سودا مناسبتینی کېنگهیتیریش مقصد، کابل گه کېلگن.
بیزلرنینگ فیسبوک صحیفهمیزگه باش اورینگ!
صناعت و سودا وزیرلیگی گه کوره، سریک ژومانگرین کابل گه کېریش چاغیده، بو وزیرلیک سرپرستی نورالدین عزیزی تامانیدن رسمی شکلده کوتیب آلینگن.
صناعت و سودا وزیرلیگی، قزاقستان باش وزیرینینگ اورین باسری افغانستان ییریک رسمیلری بیلن ملاقات قیلیشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
مذکور وزیرلیکنینگ ایتیشیچه، قزاق-افغان سودا مجموعهسی ایکّی مملکت مسئوللری و خصوصی سکتور وکیللرینینگ حضوری بیلن اېرته (۲-ثور، سهشنبه) اوتکزیلهدی. بو مجموعهده سودا، سرمایه یاتقیزیش و ترانزیت ساحهلریده همکارلیک قیلیش امکانیتلری بحث گه آلینیشی ممکن.
