هرات ولایتی محلی مسئوللری، قزاقستاننینگ ۲۶ واگن گه یوکلنگن انسان سیورلیک یاردملری هرات گه یېتیب کیلگنینی معلوم قیلدیلر.
اوشبو مملکتنینگ انسان سیورلیک یاردملری ۳-میزان، پنجشنبه کونی تورغندی بندری آرقهلی هرات گه یېتیب کیلدی.
هرات حاکمی سۉزلاوچیسی محمدیوسف سعیدی گه کوره، اوشبو مقدار واگندن ۱۶ تهسی بو ولایت اوچون اجرهتیلگن.
سعیدی، قزاقستاننینگ افغانستان خلقی گه بولگن اعتباری و یاردملریدن منتدارلیک بیلدیریب و محتاج عایلهلر احوالی یخشیلنیشی اوچون یاردم بیریشی ممکن دیگن.
بو یاردملر ۷۲۰ تُن اون، ۱۳۰ تُن شکر، ۵۰۰ خیمه و ایکی مینگ کمپلدن عبارت بولیب و هرات همده باشقه بعضی ولایتلردهگی محتاج عایلهلر گه توزیع قیلینیشی اېتیلگن.
