خلق‌ارا کیچیریم تشکیلاتی تامانیدن چهارشنبه کونی، ۱۷-جوزا، ترقه‌لگن ینگی گزارش‌ده، اوتگن ایکی ییل جریانیده پنجشیر ده یوز بیرگن آتیشمه‌‌لرده اسلام امیرلیگی نینگ اوروش جنایت‌لری گه قول اورگنی ادعا قیلینگن.
خلق‌ارا کیچیریم تشکیلاتی تامانیدن ۲۹ کیشی بیلن صحبت اوتکزیلیب تیارلنگن اوشبو گزارش‌ده، پنجشیر ده اسلام امیرلیگی کوچلری نینگ رفتاری، اوروش جنایتی نمونه‌‌سی دیب، مستند‌سازلیک قیلینگن.
بیزلرنینگ توییترده هم تعقیب قیلینگ!
بیراق اسلام امیرلیگی اوشبو گزارشنی رد قیلیب ایتیشیچه، اسلام امیرلیگی کوچلری هیچ قچان تینچ اهالی گه زیان ییتکیزمه‌گن.
اسلام امیرلیگی سوزلاوچیسی اورین‌باسرلریدن بلال کریمی نینگ سلام‌وطندار گه ایتیشیچه، اوشبو حکومت مخالف گروه‌لر گه هیچ قچان رخصت بیرمه‌یدی.
اونینگ کوپه‌یتیریشیچه: «اسلام امیرلیگی نینگ اهالی بیلن مناسبتی یخشی دیر. خلق‌ارا کیچیریم تشکیلاتی نینگ گزارشینی رد قیله‌میز.»
شونده‌ی بیرحالده، اسلام امیرلیگی نینگ قدرت گه ایریشگنیدن کیین، پنجشیر کوپینچه پیت آتیشمه‌لر گه گواه بولگن ولایت‌لردن دیر، شونی اوچون مذکور ولایت نینگ وضعیتی گه دایر قطار گزارش‌لر ترقه‌لگن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان طارق فرهادی، افغانستان وضعیتی گه عاید ترقه‌لگن بو کبی گزارش‌لر عاقبتی خصوصیده ایتیشیچه: «بو گزارش گه قوشیمچه باشقه بیر قطار گزارش‌لر هم ترقه‌تیلگن، اسلام امیرلیگی نینگ استخباراتی اهالینی قیناقله‌یدی، افغانستان وضعیتی گه دایر بو کبی گزارش‌لر ترقه‌تیلیشی عاقبتی یخشی ایمس.»
عین‌حالده، نیچه مدت‌دن بویان پنجشیر ده‌گی آتیشمه‌لر سیزیلرلی درجه‌ده کمه‌یگن دیر.