کاپیسا ده تحصیلدن قالگن قیزلردن قطاری نینگ ایتیشلریچه، بیلیم یورتلر نینگ یاپیلگنیدن کیین، ایشسیزلیکدن قاچیش اوچون ایکینچیلیک و قول صناعتی گه یوز کیلتیرگنلر.
کاپیسا مرکزی محمودراقی شهری یشاوچیسی رویا نینگ ایتیشیچه، قیزلر یوزیگه بیلیم یورتلر ایشیگی یاپیلگنیدن کیین، تیکووچیلیککه یوز کیلتیرگن. توقیز کیشیلیک عایله سرپرستی بولمیش رویا نینگ کوپهیتیریشیچه: «تیکووچیلیک، چرمهدوزلیک و قول صناعتی نی اورگندیم؛ کونده ۵۰۰ افغانی درآمدیم بار؛ یاردم بیرووچی نهادلردن تحصیل و تعلیمدن قالگن قیزلر گه یاردم بیریلیشینی ایستهیمین.»
بیزلرنینگ «ایکس» ترماغی ده هم تعقیب قیلینگ!
شونینگدیک کاپیسا یشاوچیلریدن باشقه بیری بهاره نینگ ایتیشیچه، نیچه مدتدن بویان تورلیخیل سبزهوات ایکیش گه یوز کیلتیریب و بو یول آرقهلی عایلهسی نینگ نیازلرینی تامینلهیدی. «قلمپیر، گشنیز، کدو، نعنا، فاصلیه و بامیه ایککنمین؛ تورلیخیل سبزهوات نی بازار گه عرضه قیلیب و اونینگ پولی بیلن عایلهم نینگ نیازلرینی تامینلهیمن. باشقه قیزلردن عایلهلری اقتصادی رواجلنیشی اوچون سعیوحرکت قیلیشلرینی ایستهیمن.»
کاپیسا ایکینچیلیک، سووغاریش و چاروهچیلیک باشلیغی محمدرحیم نعمانی نینگ ایتیشیچه، تشقی نهادلردن قطاری نینگ همکارلیگی بیلن عیاللر گه ستندرد ایکینچیلیک روشلرینی اورگهنیش زمینهسینی یرهتگن. «نجراب تومنیده ۳۰ عیال لبنیات نینگ پروسس بولیمی نی اورگنگن؛ شونینگدیک حصهی دوم و الهسای تومنیده ۳۵۵ عیال گه تورلیخیل سبزهوات ایکینی نینگ اوروغی ترقهتیلگن.»
اقتصادی ایش بیلرمانلردن حکیمالله امینی گه کوره، عیاللر نینگ قوللب-قوتلنیشی خصوصیده اولر نینگ تولیدلری ساتیلیشی اوچون زمینه یرهتیلیشی کیرهک.
حکیمالله امینی نینگ ایتیشیچه: «ایکینچیلیک قیلهدیگن عیاللر اختیاری گه یخشی بیر مارکیت، کیمیاوی کودلر و دارو قرار تاپیشی کیرهک. دهقان عیاللر و باشقه عیاللر نینگ قوللب-قوتلنیشی، عایلهلر اقتصادی رواجلنیشی گه یاردم بیرهدی.»
بیزلرنینگ فیسبوک صحیفهمیزگه باش اورینگ!
ایکینچیلیک ایش بیلرمانلریدن عبدالعلیم عثمانی نینگ ایتیشیچه: «زراعتی و غیرزراعتی موسسهلر آرقهلی بیریلهدیگن یاردملر نیازمند کیشیلر گه ترقهتیلیشی کیرهک. بو لایحهلر نینگ عملگه آشیریلیشی اوچون آگاهیلیک بیریلیشی، تولید بولهدیگن محصوللر ساتیلیشی اوچون زمینه یرهتیلیشی کیرهک.»
اسلام امیرلیگی نینگ قدرت گه ایریشگنی و قیزلر یوزیگه بیلیم یورتلر یاپیلگنیدن کیین، قیزلردن قطاری ایشسیزلیک و اونینگ نتیجهسیدهگی باسیملردن قاچیش اوچون قالین توقیش، نقاشلیک، قول صناعتی و خطاطلیککه یوز کیلتیرگنلر.