کاپیسا امنیه قوماندانلیگی مسئوللری نینگ ایتیشلریچه، اوشبو ولایت‌‌ده تاریخی بیر هیکل تاپیلگن.
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، مذکور هیکل، کوهبندها تومنی امنیه قوماندانلیگی نینگ منطقه‌یی تیکشیریش ایشلاوچیلری آرقه‌لی، اوشبو ولایت یشاوچیلریدن بیری نینگ اوی‌دن تاپیلگن.
بیزلرنینگ توییترده هم تعقیب قیلینگ!
کاپیسا امنیه قوماندانلیگی سوزلاوچیسی نینگ کوپه‌یتیریشیچه، مذکور هیکل کوهبندها تومنی نینگ «آرام‌کوت» ساحه‌لریدن عبدالعزیز اسملی بیر کیشی آرقه‌لی توپراق آستیدن چیقریلیب و اوشبو ولایت حصه دوم کوهستان تومنی گه انتقال بیریلگن.
فائز گه کوره، اوشبو هیکل نی اویی‌ده سقله‌یدیگن کیشی قولگه آلینیب و حاضر، هیکل ایسه کوهبندها تومنی نینگ خوفسیزلیک کوچلری یانیده سقلنه‌دی.
بیزلرنینگ فیسبوک صحیفه‌میزگه باش اورینگ!
کاپیسا امنیه قوماندانلیگی سوزلاوچیسی، حاضرگچه اوشبو هیکل نینگ تاریخی ارزشی حقیده هیچ نرسه دیمه‌گن.
کاپیسا، کابل نینگ شمال تامانیده جایلشگن قدیمی بیر ولایت دیر که، میلادی ۱۲۰-۱۶۰ ییل‌لر آره‌سیده اوتگن کوشانی‌لر سلاله‌سی «کنیشکا» نینگ حکمرانلیگی گه ایگه و اوشبو تاریخی اثر نینگ مذکور زمان گه تیگیشلی بولگنی ممکن.
