کاپیسا امنیه قوماندانلیگی مسئوللری نینگ ایتیش‌لریچه، اوشبو ولایت‌ده یوز بیرگن ترافیکی حادثه‌ده، کیکسه بیر ایرکک هلاک بولگن.
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، اوشبو حادثه اوتگن کون (پنج‌شنبه، ۱۸-جوزا)، عصر چاغی ساعت ۵:۰۰ اطرافیده، مذکور ولایت تگاب تومنی نینگ «قلعه‌ی صالح» قیشلاغیده یوز بیرگن.
بیزلرنینگ توییترده هم تعقیب قیلینگ!
کاپیسا امنیه قوماندانلیگی سوزلاوچیسی گه کوره، مذکور واقعه‌ده «روزی‌خان» اسملی بیر ایرکک، تیزرفتار بیر موتر آستیده قالیب هلاک بولگن.
کاپیسا امنیه قوماندانلیگی سوزلاوچیسی نینگ کوپه‌یتیریشیچه، موتر هیداوچیسی خوفسیزلیک کوچلری نینگ نظارتی آستیده دیر و اوشبو واقعه سببی نی، هیداوچی نینگ احتیاط‌سیزلیگی عنوان قیلگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، سونگی کون‌لر مملکت نینگ قطار ولایت‌لریده ترافیکی حادثه‌لر کوپه‌یگن دیر.
