افغانستان ده بیرلشگن ملتلر تشکیلاتی نینگ انسانپرورلیک یاردملرنی هماهنگ قیلووچی دفتری یا-ده اوچا نینگ اعلام قیلیشیچه، کانادا افغانستان نینگ انسانپرورلیک صندیغی گه ایکی میلیون ۲۰۰ مینگ دالر یاردم بیرگن.
بیزلرنینگ «ایکس» ترماغی ده هم تعقیب قیلینگ!
اوشبو نهاد بوگون (چهارشنبه، ۱۷-اسد)، اوز اکس صحیفهسیده بیر بیانیه آرقهلی بو موضوع نی بیان قیلگن؛ بیراق بو مقدار پول نینگ قیسی بولیملرده صرفلنیشی نی بیللی قیلمهگن.
اوچا نینگ کوپهیتیریشیچه، کانادا ۲۰۱۹-ییلدن بویان افغانستان نینگ انسانپرورلیک صندیغی گه ۱۵ میلیون ۸۰۰ مینگ دالر یاردم بیرگن.
بیزلرنینگ فیسبوک صحیفهمیزگه باش اورینگ!
افغانستان ده بیرلشگن ملتلر تشکیلاتی نینگ انسانپرورلیک یاردملرنی هماهنگ قیلووچی دفتری، بوندن آلدین افغانستان ده نیازمند کیشیلر قیینچیلیگی حلی اوچون بودجه کملیگی خصوصیده خواطر بیلدیریب و جاری میلادی ییلده قریب ۲۳ میلیون کیشی نینگ انسانپرورلیک یاردملر گه نیازمند بولیشینی اعلام قیلگن ایدی.