ساغلیق‌نی سقلش وزیرلیگی مسئوللری نینگ ایتیشلریچه، افغانستان ده قویاش جاری ییل باشله‌نیشیدن حاضرگه قدر ۳.۳ میلیون باله توییب آوقات‌لنمسلیککه چلینگن. اولر ارا بیر میلیون ۱۰۰ مینگ باله قتیق توییب آوقات‌لنمسلیک و باشقه ایکی میلیون ۲۰۰ مینگ باله اورته توییب آوقات‌لنمسلیککه چلینگن.
اندراگاندی صحت طفل کسلخانه‌سی شفاکارلری نینگ سلام‌وطندار گه ایتیشلریچه، درمان اوچون اوشبو کسلخانه گه مراجعت قیلگن باله‌لر سانی اوتگن ییل‌لر گه نسبتن کوپه‌یگن.
اندراگاندی صحت طفل کسلخانه‌سی ده توییب آوقات‌لنمسلیک بولیم متخصصی عطاءالله دوست گه کوره: «هر کونی توییب آوقات‌لنمسلیککه چلینگن ۱۰ و ۱۵ باله مراجعت قیله‌دی. احوال‌لری آغیر بولگن قریب ۱۰ فایزی بستر بوله‌دی. اوشبو کسل‌لیک اوتگن ایکی ییل گه نسبتن کوپه‌یگن. اوتگن آی‌لرده تخمیناً ۲۰۰ و ۳۰۰ کسل مراجعت قیلگنلر.»
بیزلرنینگ فیسبوک صحیفه‌میزگه باش اورینگ!
جناب دوست، آزیق_آوقات خوفسیزلیگی و انتانات نی، باله‌لر نینگ توییب آوقات‌لنمسلیککه چلینیش عامل‌لریدن عنوان قیله‌دی. باشقه تاماندن مذکور کسلخانه ده توییب آوقات‌لنمسلیک بولیمی شفاکاری احمدخالد نینگ ایتیشیچه، باله‌لر آره‌سیده توییب آوقات‌لنمسلیکنی کمه‌یتیریش اوچون عایله‌لر گه آگاهی‌لیک بیریلیشی کیره‌ک.
اونینگ کوپه‌یتیریشیچه: «توییب آوقات‌لنمسلیک کسل‌لیگینی کمه‌یتیریش اوچون امکان قدر عایله‌لر گه آگاهی‌لیک بیریلیشی کیره‌ک. بیرینچی آلتی آی ده چقه‌لاققه یالغیز آنه سوتی بیریلیشی لازم و باشقه آوقات بیریلگن حالده، چقه‌لاقه آنه سوتینی ییچمه‌یدی و ایکینچی آلتی آی ده آنه سوتی گه علاوه پروتین‌لی آوقات‌لر بیریلیشی کیره‌ک. افغانستان نینگ ۷۰ فایز خلقی اینیقسه باله‌لری توییب آوقات‌لنمسلیککه چلینگن دیسم خطا قیلمه‌گن بوله‌من.»
برچه‌سی بیلن، توییب آوقات‌لنمسلیککه چلینگن باله‌سینی درمان اوچون لوگر دن کابل گه کیلتیرگن زیبا نینگ ایتیشیچه: «بیر آی دن بیری چقه‌لاغیم کسل دیر. کوپ شفاکارلر و خصوصی کسلخانه‌لر گه مراجعت قیلدیک فایده قیلمه‌دی. بو ییر گه مراجعت قیلیشیمیزنی بویردیلر، بو ییرده‌گی شفاکارلر توییب آوقات‌لنمسلیککه چلینگنینی ایتدیلر.»
بیزلرنینگ توییترده هم تعقیب قیلینگ!
برچه‌سی بیلن، ساغلیق‌نی سلقش وزیرلیگی سوزلاوچیسی شرافت زمان امرخیل نینگ سلام‌وطندار گه ایتیشیچه: «ییل اولی دن حاضرگچه توییب آوقات‌لنمسلیککه چلینگن باله‌لرنی درمانلش و اولر گه یاردم بیریش اوچون ۲۰۰۰ ساغلیک مرکز ایجاد ایتیلگن. معلومات‌لر گه بناً حاضرگچه توییب آوقات‌لنمسلیککه چلینگن ۴۷۰۰۰ باله گه خذمت کورسه‌تیلگن.»
نیچه کون آلدین، خلق‌ارا آزیق_آوقات دستوری ترقه‌تگن گزارشی ده، میلادی اوشبو ییل ده افغانستان‌لیک ۸۵۰ مینگ باله قتیق توییب آوقات‌لنمسلیک و ایکی میلیون ۳۰۰ مینگ باله اورته توییب آوقات‌لنمسلیککه چلینیشی ممکن دیگن.