جوزجان ولایتیدن بیرینچی مرته ۳۵ ایرکک و ۱۴ قیز پینگ پانگ سپورتی بیلشوویده اشتراک قیلیب ۲۱ قهرمان‌لیک جام جمله‌سیدن ۱۰ ته‌سینی قولگه کیریتگنلر.
مذکور بیلشووده مملکت ۱۵ ولایتیدن پینگ پانگ سپورتچی‌لری اشتراک قیلیب ۲۱ قهرمان‌لیک جام اوچون رقابت قیلگن‌لر.
جوزجانده پینگ پانگ فدراسیونی مسوولی مشعل هاشمی نینگ ایتیشیچه، پینگ پانگ سپورتی بولیم نینگ سپورتچی‌لری کابلده یولگه قوییلگن بیلشووده عالی شکلده اوینه‌گنلر.
جناب مشعل گه کوره، جوزجان‌لیک سپورتچی‌لر، نامناسب بیر شرایط ده هیچ‌قنده‌ی سپورتی لوازم‌لری بولمه‌گن حالده، مذکور بیلشوودن یخشی نتیجه قولگه کیریتگنلر.
اونینگ کوپه‌یتیریشیچه، جوزجان‌لیک سپورتچی‌لردن ایرکک‌لر و قیزلر شامل ۳۵ کیشی جمله‌سیدن ۱۴ ته‌سی پینگ پانگ ملی تیمی‌گه یول تاپگنلر.
عین‌حالده، سپورتچی عیاللردن بیرقطاری، بونده‌ی بیلشوو استعدادلرنی رشد بیریش و سپورتچی‌لرنی سپورت قاعده‌لری بیلن آشنا قیلیشی اوچون ایجابی تاثیر قویه‌دی دیگنلر.
پینگ پانگ سپورتچی‌لریدن بولمیش نرگس و مقدس نینگ ایتیشیچه، تینچیلک تامین‌لنیشی سپورتی بیلشوولرگه زمینه یره‌ته‌دی و مملکت گه دوامی بولگن اوروش‌لر سپورت‌گه قرشی زیان ییتیشتیرگن.
جوزجان ولایتیده عیاللرنینگ تورلی سپورت‌لر جمله‌دن پینگ پانگ سپورتی‌گه علاقمندلیکلری کوپه‌یگن بیرحالده، اوشبو بیلشوو یولگه قوییلگن.