جوزجان ولایتی نینگ درزاب تومنی ولسوالی احمد نینگ سلام‌وطندارگه ایتیشیچه، اوشبو تومن طالبان گروهی اوچون امن منطقه‌گه اوزگرگن.
جناب احمد نینگ کوپه‌یتیریشیچه، پاکستان و اوزبیکستان جنگری‌لری طالبان گروهی نینگ یاردمی بیلن بو تومنده باله‌لرگه تروریستی تعلیم بیره‌دی‌لر.
شونینگدیک، جوزجان امنیتی مسوول‌لری نینگ ایتیش‌لریچه، جوزجان ولایتی نینگ بیرقطار تومن‌لریده کوپ قطار چیت‌ایللیک تروریست‌لر فعالیت قیله‌دی.
جوزجان پولیس قومندانی عبدالواحد وجدان نینگ سلام‌وطندارگه ایتیشیچه، طالبان گروهی درزاب تومنی نینگ مغل قشلاغیده جایلشگن البخاری مدرسه‌سیده ۱۲۰ باله‌گه تعلیم بیره‌دی.
جوزجان ولایتی نینگ امنیتی قومندانی‌گه کوره، سونگی کونلرده یره‌شیش جریانی جدی شکلده دوام قیلماقده و باشقه تاماندن تروریستی گروه‌لرنینگ فعالیت‌لری کوپه‌یشی ایتیله‌دی، لیکن حاضرگه‌قدر اولرنینگ فعالیتی‌گه شاهد بولمه‌گن‌میز.
عین‌حالده، طالبان گروهی نینگ سوزلاوچیسی ذبیح‌الله مجاهد، جوزجان ولایتی نینگ درزاب تومنیده اولر تامانیدن باله‌لرگه تعلیم بیریلیشی‌نی رد قیلگن.