جوزجان یشاوچیلری، اسلام امیرلیگی رسمی‌لریدن اوشبو ایکی تومن ده آمو دریا قیرره‌لری اساسی شکلده مستحکم‌لنیشینی سوره‌یدیلر. جوزجان ولایتی قرقین و خماب تومن‌لری اهالیسی نینگ ایتیشلریچه، ایکینچیلیک ییرلری و یشش اوی‌لری، آمو دریا قیرره‌لری چپه بولیشی باعث اوشبو دریا گه قوشیلیب کیتماقده.
مذکور ولایت یشاوچیلری، اسلام امیرلیگی دن ایکینچیلیک ییرلری و یشش اوی‌لری بوزیلیشینی آلدینی آلیش اوچون، آمو دریا قیرره‌لرینی مستحکم‌لش خصوصیده جدی اقدام قیلیش‌لرینی طلب قیله‌دیلر.
جوزجان ولایتی قرقین تومنی یشاوچیلریدن بیر قطاری نینگ ایتیشلریچه، آمو دریا قیرره‌لرینی مستحکم‌لش ایشی عملی روشده باشلنمه‌گونچه، ایکینچیلیک ییرلری و یشش اوی‌لری مذکور دریا گه قوشیلیب یوق بولیشی ممکن.
بیزلرنینگ فیسبوک صحیفه‌میزگه باش اورینگ!
اولر، اسلام امیرلیگی رسمی‌لریدن آمو دریا قیرره‌لرینی مستحکم‌لش گه علاوه، اوشبو تومن سرک‌لرینی توزه‌تیب، بیمارلرینی قولی‌لیک بیلن دوالش اوچون ستندرد کلینیک و برق ییتکیزیب بیریلیشینی سوره‌یدیلر.
قرقین تومنی یشاوچیلری دن بابه‌نظر نینگ ایتیشیچه: «آمو دریا قیرره‌لری مستحکم‌لنیشنی ایسته‌یمیز، بونگه علاوه برق و کیلینیککه جدی ضرورتیمیز بار، اسلام امیرلیگی خواست‌لریمیز گه دقت قیلیشی کیره‌ک.»
جوزجان خماب تومنی یشاوچیلریدن چاری‌آغه گه کوره، اوتگن ۲۰ ییل ده ایکینچیلیک ییرلری، یشش اوی‌لری، مسجدلری آمو دریا گه قوشیلیب کیتیب و برچه امکانیت‌لرینی قولدن بیرگنلر.
اسلام امیرلیگی مذکور ایکی تومن یشاوچیلری نینگ خواستی گه جدی دقت قیلیش گه امید بیلدیره‌دی، خماب تومنی یشاوچیسی چاری‌آغه.
او نینگ ایتیشیچه: «اسلام امیرلیگی دن قیینچیلیک‌لریمیز حلی اوچون دقت قیلیش نی ایسته‌یمیز، آمو دریا قیرره‌لری چپه بولیشی باعث یشش اوی‌لریمیز و ایکینچیلیک ییرلریمیز دریا گه قوشیلیب کیتماقده.»
جوزجان محلی مسئوللری نینگ ایتیشلریچه، مذکور ولایت نینگ قرقین و خماب تومن‌لری ده آمو دریا قیرره‌لرینی مستحکم‌لش اوچون اسلام امیرلیگی نینگ بنیادی ریجه‌لری بار.
بیزلرنینگ «ایکس» ترماغی ده هم تعقیب قیلینگ!
جوزجان حاکمی گل‌حیدر شفق اوشبو ولایت نینگ امنیه قوماندانی و استخبارت باشلیغی بیلن آمو دریا قیرره‌لرینی یقیندن کوزه‌تیش اوچون قیرقین و خماب سفر قیلگنلر ایتیشیچه، اسلام امیرلیگی مذکور تومن یشاوچیلری نینگ قیینچیلیگی حلی اوچون سعی‌وحرکت قیلماقده.
او نینگ کوپه‌یتیریشیچه: «قرقین و خماب تومن‌لری یشاوچیلری نینگ قیینچیلیک‌لری حلی و آمو دریا قیرره‌لری نی یقیندن کوریش اوچون بو ییر گه کیلدیک، ایکینچیلیک ییرلر آمو دریا گه قوشیلیب کیتماقده، بو قیینچیلیک‌لرنی مرکز بیلن شریک قیلگن‌میز. و اسلام امیرلیگی نینگ بوتوغریده بنیادی ریجه‌لری بار.»
هر ییلی آمو دریا گه یقین ایکینچیلیک ییرلر و یشش اوی‌لر اوشبو دریا قیرره‌لری چپه بولیشی باعث قوشیلیب کیتماقده ایکن، جوزجان ولایتی قرقین و خماب تومن‌لری یشاوچیلری اوی‌لری و ایکینچیلیک ییرلری آمو دریا گه قوشیلیب کیته‌یاتگنیدن خواطر بیلدیرگنلر.
