خلق‌ارا اوقیتووچیلر کونی ییتیب کیلیشی بیلن، جوزجان ده اوقیتووچیلردن قطاری نینگ ایتیشلریچه، اقتصادی قیین‌چیلیک‌لر بیلن روپه‌ره‌لر و آیلیکلری اوزلری و عایله‌لری نینگ نیازلرینی تامین‌لش خصوصیده ییترلی ایمس. اولر سرپرست حکومت‌دن آیلیکلری کوپه‌یشی نی ایسته‌یدیلر.
جوزجان ده اوقیتووچیلردن بیری احمدفرید نینگ ایتیشیچه، کون اوتیشی بیلن قیینچیلیکلری کوپه‌یب و دستلبکی نیازلری نی قیین بیر شکلده تامین قیله‌دی. «اوقیتووچیلر گه توجه بولینیشی نی التماس قیله‌من؛ چونکه جمعیت‌ده‌گی اینگ قشاق کیشی‌لر اوقیتووچیلر دیر که کوپینچه قیین‌چیلیک‌لر بیلن درس بیره‌دیلر و اهالی گه خذمت قیله‌دیلر. بیر بولیب و بو قیین‌چیلیک نینگ حل قیلیشی‌میز کیره‌ک.»
بیزلرنینگ فیسبوک صحیفه‌میزگه باش اورینگ!
جوزجان ده اوقیتووچیلر، سرپرست حکومت‌دن مملکت بویلب برچه اوقیتووچیلر گه توجه صورت تاپیب و قیینچیلیکلری نینگ حل بولینیشی نی ایسته‌گنلر.
اوقیتووچیلر، مدنیتچیلر، شاعرلر، یازووچیلر و محلی مسئوللردن قطاری، اوتگن کون (چهارشنبه، ۱۲-میزان)، جوزجان مرکزی شبرغان شهری‌ده توپلنیب و «اوقیتووچی نینگ مرتبه و مقامی گه حرمت قیلیش» اسمی آستیده ادبی-فرهنگی بیر برنامه یولگه قوییگنلر.
اوشبو برنامه گه شرکت قیلگنلر نینگ ایتیشلریچه، جوزجان ده اوقیتووچیلر، اقتصادی و باشقه قیین‌چیلیک‌لر بیلن، حاضرگچه اوقووچیلر نینگ تعلیم-تربیه‌سی اوچون سعی و حرکت قیله‌دیلر. اولر مسئوللردن اوقیتووچیلردن حمایت بولینیشی نی ایسته‌یدیلر.
مذکور ادبی-فرهنگی برنامه‌ده شرکت قیلگن سنجر انتظار نینگ ایتیشیچه: «اولر عایله‌لر نینگ نیازلری نی ایسته‌گنلری کبی تامین قیله آلمه‌یدیلر. اسلام امیر‌لیگی دولتی‌دن افغانستان اوقیتووچیلریدن حمایت و تشویق بولیب و اولر گه امتیاز بیریلیشی نی ایسته‌یمیز.»
عین حالده، جوزجان معلومات و مدنیت ریاستی مسئوللری، مذکور برنامه‌ده اوقیتووچیلر مقامی گه تاکید‌لب ایتیشیچه، اسلام امیر‌لیگی اولر گه خاص شکلده توجه‌سی بار.
جوزجان معلومات و مدنیت رئیسی سیف‌الدین معتصم نینگ ایتیشیچه: «اوقیتووچی جمعیت و ملت نینگ رهنمایی قیله‌دیگن کیشی دیر و تومن و قیشلاغی‌ده، اهالی نی حق و باطل یول‌دن جدا قیله‌دی.»
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، جوزجان معارف رئیسی محمدطاهر جواد، اوشبو برنامه‌ده مذکور ولایت‌ده اوقیتووچیلر نینگ آز آیلیک بیلن فعالیت قیلیشلری نی تصدیق‌لب ایتیشیچه، اولر اوقیتووچیلر نینگ قیینچیلیکلری نی حل قیلیش اوچون سعی و حرکت قیلماقده‌لر. اونینگ کوپه‌یتیریشیچه: «اوقیتووچی جمعیت نینگ رهبری دیر، اوقیتووچی گه بیریله‌دیگن حق، حقیقت‌ده آیلیک ایمس؛ بو بیر همکارلیک دیر و اوقیتووچی درسی نی الله یولی گه بیره‌دی. قولگه کیلتیره‌دیگن پول آیلیک ایمس، قول خرچی‌سی دیر. ایکی ییل‌ده اوشبو توزوم ثابت قیلگن و اوقیتووچیلر قدری نی بیله‌دی.»
ایتیش کیره‌ک که، بوندن آلدین هم تورلی ولایت‌لرده اوقیتووچیلر، حقوقلری کم‌لیگی اقتصادی قیین‌چیلیک‌لریدن شکایت قیلگن ایدیلر.
