جوزجان ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت‌ده کمبغل و نیازمند عیال‌لر گه یاردم بیریش و عایله‌لر اقتصادی رواجلنیشی مقصد، بیر قطار عیال گه سمارق نی ایکیش ۱۵ قلم اوسکونه ترقه‌تیلگن.
جوزجان ایکینچیلیک ریاستی نینگ اجرائیه مدیری ذبیح‌الله خیراندیش نینگ ایتیشیچه، مذکور یاردم‌لر اوشبو ولایت آقچه تومنی‌ده ۱۵۰ نیازمند و کمبغل عیال گه ترقه‌تیلیب و اولر گه ایش زمینه‌سی یره‌تیلگن.
بیزلرنینگ فیسبوک صحیفه‌میزگه باش اورینگ!
جناب خیراندیش نینگ کوپه‌یتیریشیچه، مذکور یاردم‌لر «اکشن اید» موسسه‌سی همکارلیگی بیلن صورت تاپگن.
جوزجان ایکینچیلیک ریاستی نینگ اجرائیه مدیری گه کوره، سمارق یخشی بازار گه ایگه بولیب و بو اوسکونه‌لر نینگ ترقه‌تیلگنی، نیازمند عایله‌لر اقتصادی سطحی یوقاری کیتیشی خصوصیده یخشی بیر فرصت دیر.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوشبو یاردم‌لردن فایده‌لنگن عیاللردن قطاری نینگ ایتیشلریچه، بو کبی یاردم‌لر نینگ ترقه‌تیلگنی اولر گه ایش زمینه‌سینی یره‌‌تیب و اولر سمارق ایکیب و ساتیش بیلن عایله‌‌لری نینگ نیازی نی تامین قیلیشلری ممکن.
ایتیلیشچه، ترقه‌تیلگن مذکور اوسکونه‌لر ۱۰ کیلوگرام گاز، گازی داش، ۴ ته پلاستیکی پیپ، پلاستیکی خریطه، ۲ کیلوگرام ساده گج، ۲۵ کیلوگرام بوغدای، بیر قنار سمان و باشقه بیر قطار نرسه‌دن عبارت دیر.