جوزجان معارف ریاستی مسئوللری نینگ ایتیشلریچه، اوشبو ولایت‌ده ۳ میلیون ۶۲۰ مینگ افغانی خره‌جت بیلن بیر مکتب نینگ قوریلیش ایشی باشلنگن.
مسئوللر گه کوره، جوزجان ولایتی آقچه تومنی نینگ «بیش‌اریغ» قیشلاغیده قوریله‌دیگن مذکور مکتب نینگ خره‌جتی، افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، آرقه‌لی توللنه‌دی.
بیزلرنینگ فیسبوک صحیفه‌میزگه باش اورینگ!
جوزجان معارف باشلیغی سید‌حفیظ‌الله معتصم‌بالله نینگ ایتیشیچه، اوشبو باشلنغیچ مکتب نینگ قوریلیشی بیلن قریب ۴۵۰ اوقووچی گه، ستندرد صنفلرده تعلیم آلیش زمینه‌سی یره‌تیله‌دی.
جناب معتصم‌بالله نینگ کوپه‌یتیریشیچه: «مذکور باشلنغیچ مکتب آلتی صنف، ایکی اداره و بیر سوو قودوغی بیلن اوچ جریب ییر گه قوریله‌دی که اونینگ قوریلیش خره‌جتی یونیسف آرقه‌لی توللنه‌دی.»
جوزجان معارف باشلیغی گه کوره، جوزجان ده مکتبلر قوریلیشی و قیته قوریلیشی اوچون سعی‌وحرکت نینگ دوامی بار و اوشبو ولایت‌ده ستندرد صنفلر یوقلیگی و مکتبلر بناسیزلیگی قیین‌چیلیکلری نینگ کیله‌سی نیچه ییل‌گچه حل بولیشی ممکن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، جوزجان ولایتی آقچه تومنی نینگ مذکور قیشلاق یشاوچیلریدن قطاری، اوشبو مکتب نینگ قوریلیشی‌دن خورسند‌لیک قیلیب و ایتیشلریچه، بوندن آلدین باله‌لری چادرلر آستیده و کرایی اوی‌لرده درس اوقه‌ر ایکن که، بو مکتب نینگ قوریلیشی بیلن اولر گه یخشی تعلیم آلیش زمینه‌سی یره‌تیله‌دی.
جوزجان معارف ریاستی معلوماتی اساسیده، حاضر ایسه مذکور ولایت‌ده ۱۰۰دن آرتیق مکتب بناسیز بولیب و اوشبو مکتبلر اوقووچیلری آچیق فضاده درس اوقیماقده.