اوتگن کون (یک‌شنبه، ۴-سنبله)، جوزجان ولایتی مرکزی شبرغان شهری و غزنی ولایتی جغتوی تومنی‌ده ایکی مکتب نینگ قوریلیش ایشی باشلنگن.
جوزجان معارف باشلیغی سیدحفیظ‌الله معتصم‌بالله نینگ ایتیشیچه، اوشبو قیزلر مکتبی مذکور ولایت مرکزی شبرغان شهری نینگ «اسلام‌جوی» قیشلاغیده قوریله‌دی.
اونینگ کوپه‌یتیریشیچه، اوشبو مکتب اوچون آلتی صنف، ایکی اداره، ایچیم‌لیک سوو و باشقه امکانیت‌لر نظر گه آلینگن. «بو مکتب ییری مذکور ولایت‌ده‌گی سوداگرلردن بیری آرقه‌لی سوغه قیلینگن ایدی، اوشبو مکتب‌ده آلتی صنف، ایکی اداری اتاق، اون غرفه بیلن ایچیم سوو قودوغی قوریلیشی ممکن.»
بیزلرنینگ «ایکس» ترماغی ده هم تعقیب قیلینگ!
جوزجان معارف باشلیغی گه کوره، اوشبو مکتب نینگ قوریلیشی اوچ آی وقت آلیب و ۱۰۰ مینگ خره‌جت کوتارگن که باله‌لردن حفاظت قیلووچی تشکیلاتی آرقه‌لی توللنه‌دی.
جوزجان ده باله‌لردن حفاظت قیلووچی تشکیلاتی مسئولی احمدشاه قرار نینگ ایتیشیچه، اینگ یقین‌ده اوشبو ولایت نینگ اوزاق بولیم‌لریده باشقه لایحه‌لر نینگ عمل‌گه آشیریلیشی ممکن. اونینگ کوپه‌یتیریشیچه: «مذکور مکتب نینگ قوریلیشی اوچ آی‌ده یکونلنه‌دی؛ نهادی‌میز کیله‌جک‌ده هم بو کیشیلر بیلن همکار بولیشنی ایسته‌یدی؛ صورت تاپه‌دیگن آبادانچیلیک‌دن حفاظت قیلینیشی اوچون اهالی همکارلیگی نی ایسته‌یمن.»
شبرغان ولایتی اسلام‌جو قیشلاغی یشاوچیلریدن قطاری، اسلام امیرلیگی و خلق‌ارا نهادلردن بو ولایت‌ده کوپراق مکتب قوریلیشی نی ایسته‌یدیلر.
جوزجان یشاوچیسی عبدالعزیز نینگ ایتیشیچه: «اوتمیش‌ده باله‌لریمیز اویین ساحه‌لری و مهمان‌خانه‌لرده درس اوقه‌ر ایدیلر؛ اولر نینگ کوپینچه قیین‌چیلیگی بار ایدی؛ باله‌لریمیز نینگ درس اوقیشی اوچون جای یوقلیگی، جدی بیر قیین‌چیلیک دیر.»
باشقه بیر تاماندن، غزنی ولایتی جغتوی تومنی نینگ «شاکی» منطقه‌سیده هم بیر مکتب نینگ قوریلیش ایشی باشلنگن.
بیزلرنینگ فیسبوک صحیفه‌میزگه باش اورینگ!
غزنی معارف ریاستی نینگ نشرات مدیری میاگل صدیق گه کوره، مذکور مکتب اوچون سکیز صنف، بیر اداره و باشقه امکانیت‌لر نظر گه آلینگن.
اونینگ ایتیشیچه، اوشبو مکتب نینگ قوریلیشی ییتی میلیون افغانی خره‌جت کوتاریب و جغتوی تومنی یشاوچیلری آرقه‌لی توللنه‌دی.
گرچند سونگی ییل‌لرده ولایت‌لرده مکتبلردن قطاری قیته قوریلیب یا-ده اولر نینگ قوریلیش ایشی باشلنگن؛ لیکن حاضرگچه اوزاق بولیم‌لرده‌گی اوقووچیلر ستندرد تعلیمی جایلردن فایده‌لنه آلمه‌ی و اولردن قطاری آچیق فضاده درس اوقیماقده‌لر.
