جوزجان و بغلان ولایتی رسمی‌لری، اوشبو ایکی ولایت ده یوز بیرگن علیحده ترافیکی حادثه‌لرده تورت کیشی هلاک بولیب و باشقه بیش کیشی یره‌لنگنیدن خبر بیرگنلر.
بغلان امنیه قوماندان‌لیگی سوزلاوچیسی شیراحمد برهانی گه کوره، سه‌شنبه کونی، ۲۴ اسد، مذکور ولایت مرکزی پلخمری شهری گه قره‌شلی «خواجه الوان چولی» حدودلریده، «رونیکس» رسوملی بیر موتر چپه بولگن.
بیزلرنینگ فیسبوک صحیفه‌میزگه باش اورینگ!
برهانی جنابلری نینگ ایتیشیچه، اوشبو حادثه طفیلی هیداوچی شامل اوچ یولاوچی هلاک بولیب و باشقه بیر یولاوچی یره‌لنگن.
شونینگدیک، جوزجان امنیه قوماندان‌لیگی سوزلاوچیسی عبدالستار حلیمی گه کوره، بوگون (چهارشنبه، ۲۵ اسد)، اوشبو ولایت نینگ آقچه تومنی گه قره‌شلی «پل‌نو» منطقه‌سیده ایکی موتر نینگ توقنشووی عاقبتیده بیر کیشی اولیب و باشقه تورت کیشی یره‌لنگن
بیزلرنینگ توییترده هم تعقیب قیلینگ!
جوزجان امنیه قوماندان‌لیگی سوزلاوچیسی، مذکور واقعه سببینی هیداوچیلر نینگ تیز هیده‌شی و دقت‌سیزلیگی عنوان قیلگن.
ایتیش کیره‌ک که، سونگی کون‌لرده مملکت نینگ بیرقطار ولایت‌لری ده یوللر بوزوق‌لیگی و هیداوچیلر نینگ دقت‌سیزلیگی باعث، انده_سنده ترافیکی حادثه‌لر یوز بیریب و یشاوچیلر دن قربان‌لیک آلگن.
