کابل ده جاپان ایلچیخانهسینینگ اعلام قیلیشیچه، افغانستان یشاوچیلرینی قوللب-قوتلش مقصد، بو مملکت گه بیر میلیون دالر یاردم بیرگن.
اوشبو نهاد، بیر بیانیه آرقهلی اکس صحیفهسیده یازیشیچه، مذکور یاردم افغانستان شرقیده یوز بیرگن زلزله نتیجهسیده زیان کورگنلرنینگ نیازلرینی حل قیلیش بولیمیده صرفلنیشی ممکن.
بیانیهده کیلیشیچه: «بو یاردم آزیق-آوقت و ساغلیقنی سقلش ساحهسیده، خلقارا آزیق-آوقت دستوری همده قیزیل آی و قیزیل خاج جمعیتلرینینگ خلقارا فدراسیونی آرقهلی صرفلنهدی.»
جاپان ایلچیخانهسی، افغانستان یشاوچیلریگه یاردملرینینگ دوام بیریشینی بیان قیلگن.
۲۰ کون آلدین افغانستاننینگ شرقیده یوز بیرگن اولیملی زلزله نتیجهسیده، ایکی مینگدن آرتیق کیشی اولیب و اوچ مینگدن آرتیق کیشی یرهلنگن.
