کوپینچه کیشی بویوک مقصدلر بیلن قلم گه یوز کیلتیریب، فکر و حس-تویغولرینی قاغاز یوزی‌گه توکه‌دی که بو قلم بعضا دنیا‌نی اوزگرتیریش قدرتی‌گه هم ایگه بولیب، حیات‌نینگ قیین‌چیلیکلرینی بیان قیله‌دی و امید‌سیزلیک سایه‌سیده قالگن نسل‌لرگه امید ایشیگینی آچه‌دی.
یازووچیلیک قیین‌چیلیک‌لر بیلن توله بیر سفر دیر؛ تفکر بیلن باشلنیب، یازووچینینگ شوق و فداکارلیگی بیلن یارقین افق‌لرگه یقین‌لشه‌دی.
افغانستان ده بیر قطار یاشلر بو یول‌گه آدیم قوییب، کوچلی اراده بیلن نه فقط بوگون بلکیم کیله‌سی نسل‌لر اوچون امید و حقیقت‌دن بولگن قیمت‌بها میراث‌نی اوزلریدن قوییش گه سعی‌وحرکت قیله‌دیلر که بو میراث اوشبو مملکت‌‌نینگ یره‌لری و امید‌لری‌گه شاهد بولیشی ممکن.
بیزلرنینگ فیسبوک صحیفه‌میزگه باش اورینگ!
بو یول‌ده سعی‌وحرکت قیلگن اوشبو یاش‌لردن بیری فرشاد‌عمری دیر. او خبرچیلیک بولیمیده لیسانس و عامه اداره و جمعیت‌شناس‌لیک بولیمیده ماسترلیگی بار.
۳۰ یاشر عمری، یازووچیلیک‌دن مقصد تینگ‌داشلری گه یاردم بیریش و جمعیت‌نی اوزگرتیریش دیب و ایتیشیچه، بیرینچی اثرینی اوچ ییل آلدین «خبرچیلیک‌نینگ ینگی اسلوب‌لری» اسمی آستیده چاپ قیلگن. او مذکور کتاب‌ده ییتکرمه مدیریتی، دیجیتال ییتکرمه‌لر و ییتکرمه‌‌لرگه تیگیشلی اساسی موضوع‌لرنی یازگن. «مذکور اثرده کوپراق ریجه‌لشتیریش، فکر یره‌تیش، تولید و ییتکرمه‌نی مدیریت قیلیش کبی ییتکرمه گه تیگیشلی موضوع‌لر نظر گه آلینگن و اوچینچی بولیمی‌گه دیجیتالی ییتکرمه‌لر گه تیگیشلی بولگن موضوع‌لر یازیلگن.»
مذکور ییگیت‌نینگ کوپه‌یتیریشیچه، مالی حمایتچی‌سی بولمه‌گنی بیلن، سعی‌وحرکت‌دن وازکیچمه‌ی و ۱۸ آی آلدین خبرچیلیک ساحهسیده «خبرچیلیک‌ده خلاقیت» اسمی آستیده ایکینچی اثرینی بازار گه چیقرگن.
فرشاد عمری‌نینگ ایتیشیچه، خبرچیلیک ساحه‌سی یانیده جمعیت‌شناس‌لیک ساحهسیده هم یازیب و بو یول آرقه‌لی اجتماعی و انسانی موضوع‌لرنی قلم‌گه آلیش‌گه سعی‌وحرکت قیلگن؛ انه شوو سبب اوچینچی اثرینی «جمعیت‌نی قبول قیله‌دیگن انسان» اسمی آستیده جمعیت‌شناس‌لیک ساحهسیده یازگن. «ینگی‌لیکده اوچینچی اثریم‌نی جمعیت‌شناس‌لیک ساحهسیده یازدیم؛ بو کتاب‌ده کوپراق جمعیت قیین‌چیلیکلری، انسان‌لر یانده‌شووی و جمعیت‌ده علاقه قوریش فایده‌سی قلم‌گه آلینگن.»
مذکور یاش گه کوره، یازووچیلیک یانیده «حدیث علم» مرکزی‌‌نی آچیب و اونینگ آچیلیشی بیلن تورلی بولیم‌لر اینیقسه خبرچیلیک توغریسیده حضوری و آنلاین سیمینار‌لر‌نینگ اوتکزیش بیلن ییگیت‌لر گه تعلیم کوریش فرصتی نی یره‌تگن.
عمری‌نینگ کوپه‌یتیریشیچه، بیر-بیری‌نی قبول قیلیش و ناتوغری رقابت‌لردن وازکیچماق، یاشلرنینگ موفقیت‌لیگی‌گه یول آچیب و مقصد‌لری‌گه ییتیشیشلری گه یقین‌لشتیره‌دی.
بیزلرنینگ «ایکس» ترماغی ده هم تعقیب قیلینگ!
موفقیت‌لیککه ییتیشیش‌گه متعهد بولگن عمری گه کوره، اهالی کتاب اوقیش‌گه اونچه‌لیک قیزیقمه‌گن و یازووچی یییگت‌لردن قوللب-قوتلنمسلیگی، ییگیت‌لر آره‌سیده یازووچیلیک و کتاب اوقیش‌گه قیزیقمسلیک‌لری اصلی سبب‌لریدن دیر. «بیران برنامه بولسین که ییگیت‌لر کتاب اوقیش‌گه قیزیقسین و اولرنینگ برنامه‌لر هر کیم بیلن شریک بولسین؛ بیراق اورگه‌نیش و یازووچیلیک توغریسیده بو کبی برنامه‌لر حکومت آرقه‌لی یوق.»
شونده‌ی بیرحالده، سرپرست حکومت معلومات و مدنیت وزیرلیگی سوزلاوچیسی خبیب غفران‌نینگ ایتیشیچه، اوشبو وزیرلیک یازووچیلر ظرفیتی آشیریلیشی اوچون مرکز و ولایت‌لرده تورلی برنامه‌لرنی اوتکزگن. جناب غفران‌نینگ کوپه‌یتیریشیچه: «ناشرلردن حمایت قیلیش اوچون، ناشرلر یا-ده یازووچیلر اویوشمه‌سی آسمی آستیده بیر اداره و بیر انجمن آچیلیشی، کتاب‌لر باسیمی‌ده همکارلیک و ترجمه و تالیف اداره‌سی یره‌تیلیشی کبی تورلی برنامه‌لرنی اوتکزدیک. کیله‌جک‌ده هم یازووچیلرنی تشویق بولیشی اوچون بیر قطار برنامه‌لرنی عمل‌گه آشیره‌‌میز.»
یازووچی ییگیت‌لر علم و صناعتلری بیلن جمعیت‌نینگ اوزگرتیریش ایسته‌گنلری بیرحالده؛ بیراق سونگی سیاسی اوزگریش‌لردن کیین افغانستان یازووچیلری و مدنیت‌چیلریدن قطاری‌نینگ مملکت‌نی ترک قیلگنی خصوصیده گزارشلر ترقه‌تیلگن.
