بدخشان‌لیک یاش بیر عیال، شخصی خره‌جتی بیلن اوشبو ولایت مرکزی فیض‌آباد شهری‌ده «مارک شاپینگ» اسمی آستیده عیاللر گه خاص بیر دکان ایجاد قیلگن.
اوشبو دکان اساسچیسی شهره تمنا نینگ سلام‌وطندار گه ایتیشیچه، اوشبو دکان نی عیاللر گه آسایشته‌لیک ایجاد بولیش مقصد، ۳۰۰ مینگ افغانی خره‌جت بیلن ایجاد قیلگن دیر. اونگه کوره، مذکور دکان‌ده اوزی شامل تورت طلبه قیز ایش بیلن شغللنگن.
بانو تمنا نینگ کوپه‌یتیریشیچه، قیزلر تحصیلی نینگ منع بولگنی‌دن کیین، تحصیل‌دن اوزاق قالگن که انه شوو سبب، باشقه قیزلر نی اوز فکرلری نی عمل گه آشیریشلری خصوصیده تشویق قیلیش اوچون مذکور دکان نینگ ایجاد قیلگن.
اونینگ ایتیشیچه: «اوشبو دکان نی ایجاد قیلگنیم‌دن مقصد، قیزلر یوزی گه درس و تعلیم نینگ یاپیلگنی دیر؛ چونکه اوزی بیر طلبه، اوی‌ده ایش‌سیز قالگنیم‌ده کوپ قیغولندیم، انه شوو سبب، عیاللر اوچون بیر دکان ایجاد قیلدیم که، قیزلر هم تشویق بولسین و سوداگرلیککه یوز کیلتیریب و بو ییرده ایش بیلن شغللنسین‌لر.»
فیض‌آباد شهری‌ده قیزلردن قطاری نینگ سلام‌وطندار گه ایتیشلریچه، بو رقم بیر وضعیت‌ده بو کبی بیر اقدام نینگ یولگه قوییلگنی‌دن خورسند‌لیک بیلدیرگنلر.
بیزلرنینگ توییترده هم تعقیب قیلینگ!
اولر گه کوره، بیرینچی مرته دیر که، بیر عیال تامانیدن بدخشان ده بیر دوکان ایجاد بولگن.
مذکور دکان گه ساتیب آلیش اچون کیلگن قیزلردن بیری زهره گونیش نینگ سلام‌وطندار گه ایتیشیچه، اوشبو دکان گه کیلگنی‌دن اوزی نی راحت حس قیله‌دی.
اونینگ کوپه‌ییتریشیچه، عیاللر گه بو کبی دکان‌لر نینگ ایجاد بولینیشی، بیر آسایشته‌لیک حساب‌لنه‌دی؛ چونکه عیاللر راحت بیر شکلده ایسته‌گنلری نرسه نی ساتیب آلاله‌دیلر.
بانو گونیش نینگ ایتیشیچه: «بو ییرده قیزلر نینگ ایجاد قیلگنی دکان، حقیقتاً یخشی بیر ایش دیر، چونکه عیاللر راحت بیر شکلده نرسه آلاله‌دیلر. بیر دکان گه بارگنی‌میز پیتده، بیر نرسه نی آله‌میز، بیراق اوشه پیتده اونی امتحان قیله آلمه‌یمیز؛ لیکن قیزلر دکانی گه بارگنی میز پیتده، آلگنی‌میز نرسه نی راحت شکلده امتحان قیله آله‌میز.»
شونینگدیک بدخشان ده‌گی قیزلردن باشقه بیری سکینه، بو کبی دکان نینگ ایجاد بولگنی‌دن خورسند‌لیک بیلدیریب ایتیشیچه، اولر بوندن کیین راحت بیر شکلده اوشبو دکان گه کیلیب، نرسه آلیشلری ممکن.
سکینه گه کوره، ایگه‌سی ایرکک بولگن دکان‌لر‌ده، عیاللر نی نیازی بولگن وسیله‌لر نی آلیش، عیاللر اوچون قیین و بعضا امکان‌سیز دیر.
بیزلرنینگ فیسبوک صحیفه‌میزگه باش اورینگ!
سکینه نینگ کوپه‌یتیریشیچه: «بو یخشی بیر ایش که، حاضرگی شرایط‌ده عیاللر اوچون بو کبی ایش ایجاد بولگنی‌دن و نیچه عیال اوچون ایش زمینه‌سی یره‌تیلگن. بو بیرینچی مرته دیر که، بدخشان ده حاضرگی حکومت‌ده عیاللر اوچون بیر دکان توزه‌تیلگن. رخصت بیریلمه‌سلیگی نی توشینگن ایدیک؛ بیراق بو ییر گه نرسه آلیش اوچون کیلیشی‌میز خصوصیده خورسند‌میز.»
شونده‌ی بیرحالده، بدخشان صناعت و سوداگرلیک ریاستی مسئوللری نینگ سلام‌وطندار گه ایتیشلریچه، اولر شخصی خودکفا‌لیک و جمعیتده آسایشته‌لیک ایجاد بولینیشی اوچون سعی و حرکت قیلگن کیشی‌لر نی حمایت قیلیش خصوصیده دایم تلاش قیلگنلر.
بدخشان صناعت و سوداگرلیک ریاستی نینگ تجارت آمری عبدالباطن منیب نینگ ایتیشیچه، عیاللر ایشی و فعالیتی نینگ اسلام معیارلری گه ضد بولمه‌گنی صورت‌ده، عیاللر نینگ اقدام‌لریدن حمایت قیلیشلری ممکن.
اونینگ کوپه‌یتیریشیچه: «فرصت‌لر نی یره‌ته‌میز که، ایرککلر و سینگیل‌لریمیز ایسته‌گنلری بولیم‌ده ایشلب و فعالیت قیلسینلر.»
ایتیش کیره‌ک که، خاتین-قیزلر گه ایش و تحصیل نینگ منع بولگنی‌دن کیین، اولردن قطاری تورلی ولایت‌لرده شخصی کسب و کار ایجاد قیلیش گه یوز کیلتیرگنلر.
