بوگون (جمعه، ۱۴-ثور/۳-می) خلق‌ارا مطبوعات کونی دیر. اوشبو کون نینگ ییتیب کیلگنی بیلن افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری (یوناما)، «افغانستان‌لیک خبرچیلر نینگ حرمت قیلینیشی، جدی حمایت و قوللب-قوتلنیشی» نی ایسته‌گن. یوناما نینگ یازیشیچه: «خلق‌ارا مطبوعات ایرکین‌لیک کونی‌ده، افغانستان‌لیک خبرچیلر نینگ حرمت قیلینیشی، جدی حمایت و قوللب-قوتلنیشینی ایسته‌یمیز.»
افغانستان اوچون بیرلشگن ملتلر تشکیلاتی نینگ باش کاتبی خاص نماینده‌سی روزا اوتونبایوا، بوگون خلق‌ارا مطبوعات کونی مناسبتی بیلن بیر پیام آرقه‌لی افغانستان ده خبرچیلردن قدردانلیک قیلیب و ایتیشیچه، مذکور خبرچیلر کوپینچه خوف بیلن ینه هم مملکت یشاوچیلری گه دقیق معلومات ییتکزیش اوچون کوپینچه سعی‌وحرکت قیلگنلر.
بیزلرنینگ «ایکس» ترماغی ده هم تعقیب قیلینگ!
روزا اوتونبایوا نینگ کوپه‌یتیریشیچه: «اولر نینگ ایشی بیلیم‌لی و پیشرفته بیر ملت اوچون اونملی و تعلیم، اطراف-محیط، ساغلیق، اقتصاد و حکومتدارلیک کبی مهم ساحه‌لرده برچه افغانستان‌لیکلر اوچون جوده‌یم اونملی دیر. اولر نینگ جسورلیگی تحسین‌گه سزاوار و بو قهرمانلر (خبرچیلر) نینگ تشویق، حمایت و حفاظت بولیشی کیره‌ک.»
شونده‌ی بیرحالده، اوتگن کون افغانستان خبرچیلر مرکزی نینگ اعلام قیلیشیچه، سونگی بیر ییل جریانیده (۲۰۲۳-ییل می آیی‌دن ۲۰۲۴-ییل می آیی‌گچه)، افغانستان ده کمیده ۱۳۶ واقعه خبرچیلر و ییتکرمه‌لر ایرکین‌لیگی نقض واقعه‌سی ثبت بولگن که خبرچیلر برابریده ۷۲ مورد تهدید و ۴۶ مورد قولگه آلینیش دیر.
مذکور مرکز نینگ ایتیشیچه، بو مدت‌ده‌گی واقعه‌لر سانی اوندن آلدین‌گی ییل (۲۰۲۲-ییل می آیی‌دن ۲۰۲۳-ییل می آیی‌گچه)، ثبت بولگن ۲۱۳ واقعه گه قره‌گنده، ۷۷ مورد کمراق بولگن که آمار کمه‌یگنی نقطه‌ی نظری‌دن یخشی دیر.
بیزلرنینگ فیسبوک صحیفه‌میزگه باش اورینگ!
عین حالده، خلق‌ارا مطبوعات ایرکین‌لیگی کونی‌ده افغانستان ده بیرلشگن ملتلر تشکیلاتی نینگ عیال‌لر بولیمی نینگ ایتیشیچه، افغانستان ده خبرچی عیال‌لردن ۸۰ فایزی چیکلاولر، آزار-اذیت سبب، ایشلریدن قول تارتیش گه مجبور بولگنلر.
بوگون بیرلشگن ملتلر تشکیلاتی نینگ عیال‌لر بولیمی اوز اکس صحیفه‌سیده یازیشیچه: «خلق‌ارا مطبوعات کونی و هر کون‌ده، ییتکرمه‌لر طرح‌لری و عیال‌لر حقوقی بیلن جنسیتی برابرلیک اوچون سعی‌وحرکت قیلگن عیال خبرچیلردن حمایت قیلیش گه دوام بیره‌میز.»
ایتیش کیره‌ک که، اسلام امیرلیگی نیچه مرته اسلامی ارزشلر، ملی منفعت و مملکت نینگ فرهنگی ارزشلری چهارچوبه‌سیده سوز ایرکین‌لیگی‌گه متعهد بولگنی نی ایتگن دیر.