ینگیلیکده دنیا بانکی بیر گزارش آرقهلی ایتیشیچه، افغانستان اقتصادی ترقیاتی حاضرگچه ضعیف بولیب و ایشسیزلیک بیلن کمبغللیک برابریده یشاوچیلرنینگ زیان کوریشی کوپهیگن. اوشبو بانکنینگ گزارشی اساسیده، بیللی پالیسیلر یوقلیگی، مالی قیینچیلیک، تشقی یاردملر کمهیشی و پاکستان بیلن ضعیف سودا علاقهلری، اقتصادی بیقرارلیکنینگ اصلی سببلریدن دیر.
دنیا بانکی گزارشینینگ بیر بولیمیده کیلیشیچه: «نابیللی پالیسیلر، مالی قیینچیلیکلر، تشقی یاردملر کمهیشی و پاکستان بیلن ضعیف سودا علاقهلری، افغانستان ده اقتصادی بیرقرارلیکنینگ سببلریدن دیر. دایمی قشاقلیک، ایشسیزلیک، آز منبعلر و نرسه ساتیب آلالمسلیک، حاضرگچه میلیونلب افغانستانلیکنینگ اذیت چیکیشیگه سبب بولیب و جبرلنتیرهدی.»
بیزلرنینگ «ایکس» ترماغی ده هم تعقیب قیلینگ!
دنیا بانکینینگ گزارشی اساسیده، اوتگن میلادی ییلده افغانستاننینگ سودا کسری، ۵۴ فایز کوپهیب و صادرات میزانی بیش فایز کمهیگن. بیراق اقتصاد وزیرلیگی مسئوللری، دنیا بانکی گزارشینی رد قیلیش بیلن، اونی افغانستان ده حقیقتدن اوزاق دیگنلر.
اوشبو وزیرلیک سوزلاوچیسی عبدالرحمان حبیبنینگ سلاموطندار گه ایتیشیچه: «دنیا بانکینینگ ترقهتگن ینگی گزارشی مملکتیمیزدهگی حقیقتلردن اوزاق دیر و اونی رد قیلهمیز. کانلرنی قازیب چیقریش و فایدهلنیش، ترانزیتی امکانیتلردن فایدهلی شکلده فایدهلنیش، منطقهیی باغلهنیش و طبیعی منبعلر گه اولویت بیریش بیلن مملکت مالی و اقتصادی خودکفالیگی تامان حرکت قیلیش، ایشسیزلیک کمهیشی، اقتصادی ترقیات و ایش فرصتلری کوپهیشی اوچون قولگه آلینگن اصلی مسئلهلردن دیر.»
شونینگدیک اقتصاد وزیرلیگیده مسئوللرگه کوره، خلقارا همجمعیتنینگ ایجابی تعاملی و افغانستاننینگ پول سرمایهلرینی آزاد قیلیش، مذکور مملکت اقتصادی رواجلنیشی و یشاوچیلرنینگ حیات کیچیریش وضعیتی یخشیلنیشیده ایجابی رول اوینهشی ممکن.
اقتصادی ایش بیلرمانلر، افغانستان دهگی موجود اقتصادی قیینچیلیکلرنی تصدیقلب، بو وضعیتنینگ شکللنیشیده خلقارا همجعیت اورنینی مهم بهالهیدیلر.
بو توغریده اقتصادی مسئلهلر بیلرمانی نبی افغاننینگ ایتیشیچه: «بیر تاماندن خلقارا قیینچیلیکلر و قوشنیلر باسیملری و باشقه تاماندن اوزگریشلردن کیین افغانستاننینگ نابیللی وضعیتی بو وضعیتنینگ بیر بولیمی دیر و قوشنیلر افغانستاننینگ وضعیتی یخشیلنیشیگه رخصت بیرمهیدیلر. بولردن برچهسینینگ سببی قوشنی مملکتلر و خلقارا قیینچیلیکلر دیر.»
شونینگدیک اقتصادی مسئلهلر بیلرمانلریدن باشقه بیری ایرج فقیرینینگ ایتیشیچه: «باشده بیر تورلی سیاسی تعادلگه نیازمندمیز که قوشنی مملکتلر بیلن انعطافپذیرلیک بیر حالت گه ییتیشهیلیک و آلدیندن تعیینلنگن پیشبینلیکلر گه توجه قیلیش و فکر قیلیش بیلن، اوزون مدتلی برنامهلر و آستقورمهلر توغریسیده پلان قولگه آلیشیمیز کیرهک.»
شونینگدیک سیاسی مسئلهلر بیلرمانلرینینگ ایشانچی گه کوره، سرپرست حکومتنینگ سیاسی اورنیدن افغانستاننینگ حاضرگی اقتصادی وضعیتی، خلقارا همجمعیتده تاثیرلنگن.
بیزلرنینگ فیسبوک صحیفهمیزگه باش اورینگ!
سیاسی مسئلهلر بیلرمانلریدن برنا صالحینینگ ایتیشیچه: «اقتصاد و سیاست آرهسیده رابطه بار اینیقسه حاضرگی پیتده افغانستان ده اسلام امیرلیگی بار و اسلام امیرلیگینینگ رسمی شکلده تن آلینیشگه اساسلنگن سیاسی مناسبتلریمیز بولمهگنی گه قدر، قیغو بیلن افغانستان ده اقتصادی وضعیتنینگ یخشیلنیشی ممکن ایمس.»
اسلام امیرلیگینینگ قدرت گه ایریشگنیدن کیین، افغانستان ده ترقیاتی لایحهلردن کوپینچهسی توختهب و خلقارا تشکیلاتلرنینگ معلوماتلری اساسیده، بو مملکت اقتصادی بحران گه روپهره بولگن که بو مسئله، سرپرست حکومت برابریدهگی اقتصادی وضعیتنینگ یخشیلنیشی اوچون قیینچیلیک نی یرهتگن.
