دنیا بانکی، میلادی ۲۰۲۴-ییل‌ده افغانستان اقتصادی وضعیتی‌دن بیر گزارش ترقه‌تیش بیلن ایتیشیچه، اوشبو مملکت اقتصادی اورته‌چه ترقیات گه ایگه بولیب، بو ترقیات سطحی مملکت اقتصادیاتی‌ده‌گی قیین‌چیلیکلرنی حل قیلیش‌گه آزگینه تاثیر قیلگن.
اوتگن کون کیچ قورون (۱۴-قوس، چهارشنبه)، بو بانک آرقه‌لی ترقه‌تیلگن گزارش‌ده کیلیشیچه، مالی چیکلاولر، تجاری توازن یوقلیگی و عمومی سرمایه یاتقیزیش اوچون چیکلنگن امکانیت، حاضرگچه افغانستان اقتصادی ثباتی و ترقیاتی برابریده‌گی قیین‌چیلیک دیر.
دنیا بانکی‌‌‌‌گه کوره، میلادی ۲۰۲۴-ییل‌ده افغانستاننینگ ناخالص تولیدی، ۲.۷ فایز بولیب و اوتگن اقتصادی زیان‌لر‌دن یالغیز ۱۰ فایزینی حل قیلگن.
بیزلرنینگ «ایکس» ترماغی ده هم تعقیب قیلینگ!
مذکور گزارش‌نینگ بیر بولیمی‌ده افغانستان بوییچه دنیا بانکی باشلیغی فاریس‌حداد زیروس‌نینگ ایتیشیچه: «افغانستان اقتصادیات اوزاق مدت‌ده رواجلنیشی ایچکی خصوصی بولیم ظرفیت‌لریدن ایش آلیش همده سوداگرلیک زمینه‌سینی کوچهتیریشگه باغلیق دیر؛ بو خصوصده سرمایه یاتقیزیش‌نی کوپه‌یتیریش، کیچیک کسب‌لر اوچون مالی منبع‌لرگه قول تاپیش زمینه‌لرینی یره‌تیش و تدبیرکار عیاللرنی قوللب -قوتلش اوته مهم دیر.»
افغانستان بوییچه دنیا بانکی باشلیغی‌نینگ ایتیشیچه، اوشبو ییچیم یوللر‌نینگ بولمه‌‌‌گنی صورت‌ده، افغانستاننینگ اقتصادی برقرار ترقیات‌گه ییتیشیشی اوچون امید‌وارلیک‌لر آز دیر.
مذکور گزارش‌نینگ باشقه بیر بولیمی‌ده کیلیشیچه، شونینگدیک میلادی ۲۰۲۴-ییل‌ده افغانستان تجارتی، تجاری برابر‌لیککه ایگه بولمه‌ی؛ صادرات ثابت ایکن، بیراق بو مملکت‌نینگ ۲۰۲۳-۲۰۲۴-ییل‌ده‌گی وارداتی کوپه‌یگنی، اوشبو مملکت تجاری کسری کوپه‌یشی گه سبب بولگن.
شونده‌ی بیرحالده، اقتصاد وزیرلیگی مسئوللری، دنیا بانکی گزارشی‌نی رد یا-ده تصدیق قیلمه‌ی ایتیشلریچه، برچه خلق‌ارا چیکلاولر بارلیگی بیلن، اسلام امیرلیگی اوتگن اوچ ییل‌ده فایده‌لی اقتصادی آدیم‌لرنی آلگن.
مذکور وزیرلیک سوزلاوچیسی عبدالرحمان حبیب‌نینگ ایتیشیچه: «اوچ ییل‌ده افغانستان پوللری موزلنتیریلشی بولیمی‌ده چیکلاولر بولگنی و افغانستان ده بشری و رواجلنیش یاردم‌لر‌نینگ بند بولگنی بیلن، بیراق ینه هم کوپینچه ترقیات گه شاهد ایدیک. مملکت‌ده‌گی موجود امکانیت‌لرگه اعتبار قره‌تگن‌میز. دنیا بانکی و باشقه نهاد‌لر هم اقتصادی رواجلنیش بولیمی‌ده حصه قوشیش‌لری و ایشی یریم قالگن لایحه‌لرنی قیته باشلش‌لری کیره‌ک.»
بیزلرنینگ فیسبوک صحیفه‌میزگه باش اورینگ!
عین حالده، اقتصادی ایش بیلرمان‌لر هر بیر مملکت اقتصادی رواجلنیشی‌نی، اقتصادی-تجاری بوییچه توشینیلگن ییچیم یوللر، آست‌قورمه‌لر توغریسیده ایشلنیش و ایچکی سرمایه یاتقیزیش اوچون زمینه یره‌تیلیشی گه تیگیشلی بیله‌دیلر.
اقتصادی ایش بیلرمان ایرج فقیری‌نینگ ایتیشیچه: «حاضرگی شرایط‌ده مملکت اقتصادی توزومی آست‌قورمه‌لر خصوصیده سرمایه یاتقیزیش و ریجه گه نیازی بار که ایش فرصت‌لری یره‌تیلیب و اقتصادی ترقیات گه سبب بولسه. شونینگدیک ناخالص تولید‌لر کوپه‌یشی و وارات کمه‌یشی گه ایگه بولیشی ممکن.»
بولر گه علاوه، دنیا بانکی‌نینگ میلادی ۲۰۲۴-ییل‌ده افغانستان اقتصادی وضعیتی خصوصیده‌گی گزارشی‌ده کیلیشیچه، بو ییل‌ده اهالی آسایشته‌لیگی تدریجی شکلده یخشی‌لنیش وضعیتی‌ده قرار تاپگن.
