فلسطین ده ساغلیق منبعلری نینگ اعلام قیلیشلریچه، نوار غزه ده پولیو گه قرشی ایملش کمپاینی باشلنمهگنیدن آلدین، اسرائیل نینگ اویوشتیرگن هجوملری نتیجهسیده کمیده ۴۸ کیشی قربان بولگن.
رویترز آژانسی نینگ گزارش بیریشیچه، اوشبو هجوملر ۱۰-سنبله، شنبه کونی غزه نینگ مرکزی و جنوبی بولیملریده یوز بیرگن.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی نینگ بالهلردن حمایت قیلووچی صندیغی (یونیسف) نینگ اعلام قیلیشیچه، بوگون غزه نینگ مرکزی، جنوبی و شمالی بولیملریده حماس و اسرائیل اورتهسیدهگی اوروش نینگ سکیز ساعتلیک وقفهلریدن فایدهلنیش بیلن، ۶۴۰ مینگ باله نینگ پولیو گه قرشی ایملش بوییچه تورت کونلیک کمپاینی نی باشلهیدی.
شونینگدیک خلقارا ساغلیقنی سقلش تشکیلاتی نینگ اعلام قیلیشیچه، اوشبو کمپاین نینگ موفقیتلی بولیشی اوچون بالهلردن کمیده ۹۰ فایزی نینگ تورت هفتهلیک فاصله بیلن ایکی مرته پولیو گه قرشی ایملنیشی ممکن.
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، اسرائیل اردوسی نینگ اعلام قیلیشیچه، نواز غزه نینگ مرکزی و جنوبیده اوز عملیاتلری گه دوام بیرهدی.
ایتیش کیرهک که، حماس و اسرائیل آرهسیدهگی اوروشلر نینگ باشلنگنیدن اون آیدن کوپراق بولگن و فلسطین ساغلیقنی سقلش وزیرلیگی آرقهلی ارائه بولگن سونگی معلومات اساسیده، بو مدتده ۴۰ مینگ ۶۹۱ فلسطینلیک قربان بولیب و ۹۴ مینگ ۶۰ کیشی ایسه یرهلنگن.