خلق‌ارا ییتکرمه‌لر‌نینگ گزارش بیریشیچه، اسرائیل آرقه‌لی غزه‌نینگ بیر قطار بولیم‌لری گه اویوشتیریلگن هجوم‌لر نتیجه‌سیده، کمیده ۳۳ کیشی قربان بولیب و اونلب کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
مذکور کیشی‌لر بوگون اسرائیل اردوسی‌نینگ نواز غزه جنوبی‌ده یشش بیر بنا و بیت‌لاهیه شهری شمالی‌ده‌گی «کمال عدوان» کسل‌خانه‌سی یقینی‌ده جایلشگن بیر بنا گه اویوشتیرگن هجوملریده قربان بولگنلر.
گزارش‌لر اساسیده، اسرائیل اردوسی «المغازی» آواره‌لر کمپی بیلن رفع و غزه شهری‌ده باشقه نیچه یشش بنا نی نشان گه آلگن.
بیزلرنینگ فیسبوک صحیفه‌میزگه باش اورینگ!
حماس و اسرائیل آره‌سیده‌گی توقنشوولردن قریب ۱۴ آی اوتگن و فلسطین ساغلیق‌نی سقلش وزیرلیگی‌نینگ معلوماتی اساسیده، مذکور توقنشوولر باشلنگنی‌دن بیری، فلسطین‌لیک ۴۴ مینگ ۵۸۰ کیشی قربان بولیب و باشقه ۱۰۵ مینگ ۷۳۹ کیشی یره‌لنگن. شونینگدیک بو مدت‌ده، غزه ده‌گی توقنشوولرده قریب ۷۰۰ اسرائیل عسکری هلاک بولگن.