فلسطین ساغلیق‌نی سقلش وزیرلیگی‌نینگ اعلام قیلیشیچه، اسرائیل آرقه‌لی غزه‌نینگ بیر قطار بولیم‌لری نشان‌گه آلینگنی نتیجه‌سیده، کمیده ۱۱۲ کیشی قربان بولیب و اونلب کیشی یره‌لنگن.
اوشبو وزیرلیک‌نینگ ایتیشیچه، مذکور کیشی‌لر اسرائیل کوچلری آرقه‌لی نوار غزه‌نینگ بیر قطار بولیم‌لری‌گه اویوشتیریلگن هجوم‌لر‌ده قربان بولگنلر.
بیزلرنینگ فیسبوک صحیفه‌میزگه باش اورینگ!
فلسطین ساغلیق‌نی سقلش وزیرلیگی‌نینگ کوپه‌یتیریشیچه، بو کیشی‌لردن ۳۳ ته‌سی غزه شهری‌ده جایلشگن بیر مکتب‌گه اسرائیل کوچلری‌نینگ اویوشتیرگن اَیری اوچ هجومی‌ده قربان بولگن.
بو وزیرلیککه کوره، غزه گه اسرائیل هجوم‌لری نتیجه‌سیده قربانی‌لردن کوپینچه‌سینی، کیکسه‌لر و باله‌لر تشکیل بیره‌دی.
اسرائیل‌نینگ اعلام قیلیشیچه، ۱۸-مارچ ده هجوم‌لری‌نینگ ایکینچی باسقیچی‌نی باشله‌گنی‌دن حاضرگچه، نوار غزه‌نینگ تورلی بولیم‌لریده ۶۰۰ جای‌نی نشان‌گه آلگن.
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، بیرلشگن ملتلر تشکیلاتی‌نینگ اعلام قیلیشیچه، غزه گه اسرائیل هجوم‌لری قیته باشلنگنی بیلن ۲۸۰ مینگ فلسطین‌لیک اوی‌لرینی ترک قیلیش‌گه مجبور بولیشگن.
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس آره‌سیده اوروش باشلنگنی‌دن بویان، فلسطین‌لیک ۵۰ مینگ ۵۲۳ کیشی قربان بولیب و ۱۱۴ مینگ ۶۳۸ کیشی یره‌لنگن.
