فلسطین ساغلیقنی سقلش وزیرلیگی بیر بیانیه ترقهتیب اعلام قیلیشیچه، اسرائیل نینگ غزه گه اویوشتیرگن هجوملری نتیجهسیده فلسطین قربانیلری سانی ۴۰ مینگ کیشیدن آشگن.
الجزیره ترماغی اوتگن کون (پنجشنبه، ۲۵-اسد/ ۱۵-آگست)، فلسطین ساغلیقنی سقلش وزیرلیگی بیانیهسیدن نقل قیلیب گزارش بیریشیچه، بو قطار فلسطینلیک ۲۰۲۳-ییل ۷-اکتبردن بویان نوار غزه ده قربان بولگن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیقنی سقلش وزیرلیگی نینگ کوپهیتیریشیچه، بو مدتده اسرائیل حربی کوچلری نینگ غزه گه اویوشتیرگن هجوملری عاقبتیده، ۹۲ مینگ ۴۰۱ فلسطینلیک ایسه یرهلنگن.
الجزیره ترماغی نینگ گزارشی اساسیده، یالغیز اوتگن ۲۴ ساعتده غزه نینگ تورلی بولیملری گه اسرائیل آرقهلی اویوشتیریلگن اوچ هجوم نتیجهسیده، ۴۰ کیشی اولیب و ۱۰۷ کیشی یرهلنگن.
بیزلرنینگ فیسبوک صحیفهمیزگه باش اورینگ!
غزه گه اسرائیل نینگ هجوملری نتیجهسیده قربانی بولگنلردن کوپینچهسی، تینچ اهالی اینیقسه عیاللر و بالهلر دیر.
ایتیش کیرهک که، نیچه کون آلدین هم غزه مرکزی یقینلیگیده بولگن آوارهلر کمپیده جایلشگن بیر مکتب گه اسرائیل نینگ اویوشتیرگن هجومی عاقبتیده، کمیده ۶۰ کیشی قربان بولگن ایدی.